全运会│193赛后访问黄泽林两人妙问妙答笑死人

更新时间：17:37 2025-11-19 HKT
发布时间：17:37 2025-11-19 HKT

黄泽林(Coleman)于全运会网球男单4强不敌吴易昺夺得铜牌，赛后他一如以往接受传媒访问，其中一个访问他的传媒竟然是男子组合ERROR成员193(郭嘉骏)。黄泽林一开口就话193咁迟先嚟睇比赛，一嚟佢就输，然后两人哈哈大笑，朋友就系咁！

Coleman：你一黎我就输

黄泽林赛后去到访问区，看到193访问自己已经认唔住笑，即刻问对方之前唔嚟？193唔上回应：「现家咪黎咗。」 Coleman即回应：「你一黎我就输！」193唔知讲乜好，只好以笑掩饰。193马上拉开话题，话听到观众叫Let go Coleman，有个女仔叫顶住，自己即刻毛管戙。
讲咗一大轮193终于返回正题，问Coleman今仗有部特别部署， Coleman答：「之前对过2次，今次第3次无特别部署，今仗只系差小小，尽咗力好享受。有小小蚀因为打埋双打，佢无打，但系唔怪得人系自己拣。」

后悔坐记者席

讲完一条正经问题，193又讲自己感受：「后悔坐系记者席。」黄泽林即刻抽193水：「应该坐港队位置，嘭嘭声！」再一次展现两人友情关系，乜都讲得。Coleman又提及昨天港队亚洲杯赛事：「昨天睇港队输波好可惜，谂主自己可以安慰吓大家心情，点知唔得。不过都已搏尽无憾。」

193叫Coleman帮手推歌

193模仿体记问黄泽林未来计划，Coleman笑住答：「可唔可以唔好咁忍真，无计划，知道话你知。」此时，又轮到193「吋」Coleman：「今日我原本有野做，守承诺先至过黎。其实我今日出新歌，个名系《你的名字我的圣诗》，帮手推介吓。」 Coleman有D唔太情愿咁讲：「留意我老友既新歌，记得支持。」这个访问就系欢笑声完结。