世界杯2022｜专栏:英格兰势破冷锋

更新时间：09:00 2022-12-04 HKT
发布时间：09:00 2022-12-04 HKT

近日香港天气突然转凉，北风来袭气温急降，各位球迷夜晚睇波之余要记得保暖！而呢股「冷锋」似乎吹到去卡塔尔?边，令今届世界杯十六强出现好多新面孔。其中丹麦、墨西哥、德国及比利时等热门于分组赛相继下马，而美国、澳洲及韩国则取而代之取得淘汰赛出线资格，最后当然唔少得大家讲咗几日嘅「日本一点八八毫米的奇迹」。

作为今届表现对办嘅日强队之一，英格兰将会喺今晚十六强对战塞内加尔，相信佢嘅阵容，各位球迷都相当熟悉，值得留意嘅系上届神射手中锋哈利卡尼，虽然今届暂时仍然系零入球，但已经贡献咗三个助攻；另外中坚哈利马古尼喺国家队表现脱胎换骨，除咗后防一夫当关外，亦有赖队友劳基梳尔及捷比亚提供出色的传送，令其顶上功夫于死球进攻时，亦相当具威胁力。而且基尔获加已正式伤瘉复出，领队修夫基嘅阵容选择上，可以更有弹性。

塞内加尔虽然后防有艾度亚文迪及高列巴尼在阵，但系中场伊祖沙古尔被罚停赛，佢拍档高耶迪亦仍然伤病成疑，使塞军中场更见薄弱，面对伤疲尽起嘅英格兰似乎再难爆冷。 - 球乐

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ