世界杯2022｜专栏：东洋漫画预言书

更新时间：13:30 2022-11-27 HKT
发布时间：13:30 2022-11-27 HKT

脍炙人口嘅日本漫画《足球小将》，相信好多朋友都有睇过。但我谂大家估都估唔到入边嘅场景，竟然在现实中逐步实现。沙特对阿根廷时展现嘅越位陷阱「蚁狮防守」、日本全场挨打再热血反胜德国、巴西嘅李察利臣展示「足球改造人辛坦拿」式嘅倒挂金钩，都令各位看官不禁啧啧称奇。

其中日本反胜德国2:1嘅赛事，全员展示出顽强精神，尽管上半场已经因输十二码先落后一球，呢班东洋武士并无因为咁样泄气，更不断喺球赛中制造到反击机会，斗志认真顽强。防线上，先有门将权田修一如林源三般左飞右扑屡救险球，及后更有后备上阵嘅浅野拓磨，使出小志强绝招「直线盘球」，于比赛尾段射破犹如「迪打梅拿」般稳健的德国门神纽亚十指关！喺漫画故事入面，小志强就因为足球成绩出众被举荐加入东邦学园，而浅野亦曾在高中时被校队顾问劝说后加盟三重县立四日市中央工业高等学校，就系咁造就咗呢个足以载入史册嘅入球。
今晚日本队只要继续维持住不亢不卑嘅比赛心态，面对哥斯达黎加𠮶条有「神龙」基罗拿华斯在阵都要失七球嘅防线，应可坐和望赢。球乐

立即下载 | 全新《星岛头条》APP : https://bit.ly/3yLrgYZ