商台《在晴朗的一天出发》DJ蔓儿被炒与卢觅雪言论有关？开live回应揣测：大家都系被动嘅一方
发布时间：19:00 2025-07-02 HKT
在商台节目《在晴朗的一天出发》任职幕后的DJ蔓儿自爆已加入失业大军行列，上星期突然收到解雇通知：「原以为又系寻常嘅工作天，结果变咗last day。」因卢觅雪（Michelle）曾在节目上曾评论姜涛堕海事件并说「智商有问题」，事后惹来不少争议声，翌日儿突被商台即时解雇，于是有令人揣测被炒一事与卢觅雪事件有关。
蔓儿多次表示被炒与卢觅雪一事无关
蔓儿昨晚（1日）开IG Live为事件开腔，她多次表示被炒与卢觅雪一事无关：「其实𠮶啲说法都系讲𠮶啲人力资源调配嘅问题，我再讲一次，唔关上星期《晴朗》发生嘅事》事，大家都系被动嘅一方，同埋我听日（即今日）都约咗佢哋食饭，所以冇嘢。」
相关阅读：商台《在晴朗的一天出发》DJ蔓儿突然被炒 即时离职原因未明惹揣测：睇到两张支票就喊唔出
商台DJ蔓儿被炒与卢觅雪一事无关：
蔓儿与《晴朗》张部长卢觅雪阮子健食饭
蔓儿今日IG贴上与《晴朗》监制张部长、卢觅雪和阮子健食饭的相片并说：「无咗蔓儿太阳照常升起，晴朗照常出发！话晒凑咗你哋咁多年，几个大个仔大个女都系时候要独立㗎啦！蔓儿而家终于可以un un 脚安享退休生活。话说今日好潮嘅卢觅雪请食潮嘢，跟住自助餐KOL张部长就话下次请食buffet！阮子健未谂之后请食咩，不过送咗盒『前男友超后悔吸睛面膜』畀我，寓意深长，果然系文人。#你哋每朝继续努力奋斗加油#蔓儿有时早起或者未瞓都可能听吓嘅。」
蔓儿称在商台人工非常低
谈到当日收大信封经过，蔓儿说：「总之𠮶日如常做节目，之后突然收到二台秘书通知，话『校长』揾我，仲要去会议室坐底，我个心已经有少少不祥预感。」蔓儿又称：「原来『大信封』系冇信封，得张纸同到两张支票，包括长期服务、即日通知及补一个月薪金，啲数好和味，当时有啲sad，但只要你望一望两张cheque，虽然我喺商台嘅人工真系非常低，但系当你乘以咁上下年份，再加呢样𠮶样，其实都系唔错嘅。」故立即book机票下周三去东京旅行。蔓儿再说：「有人辞官归故里，有人漏夜赶科场，其实冇话冇咗边个唔得嘅，同样地都冇话冇咗份工唔得嘅。正所谓冇老公都得啦，单身一辈子，最紧要有钱钱。我而家有钱钱。本身返工都系为钱钱。我而家有钱钱就唔使返工喇。」
相关阅读：林海峰顺应民意开腔谈卢觅雪 借「闲」字语带双关缓和气氛：逢星期五都会换主持
蔓儿主动提到被连登帖文指「狙击姜B」
蔓儿亦主动提到被连登帖文指曾「狙击姜B」：「我想讲我threads都有个post，姜B出事𠮶日我系有讲，希望大家建立自己，唔需要攻击其他人。我冇话钟意唔钟意，咁你咪睇自己钟意嘅嘢啰，正如我钟意Gareth（汤令山）我咪睇Gareth啰，我唔需要睇啲我唔钟意嘅嘢。或者啲人咁样发泄，但我唔钟意。时间有限，我只系会摆时间喺自己钟意嘅嘢度。我唔钟意嘥时间喺唔钟意嘅嘢度，所以我都唔明白啲网民边听边闹，其实应该听自己钟意嘅节目，你成日听啲激嬲自己嘅嘢，其实你心理都唔平衡㗎。」
