周秀娜首回应被包怀孕传闻！罕谈与男方关系自揭2X岁恨生仔兼获求婚

即时娱乐

更新时间：18:30 2025-06-27 HKT
发布时间：18:30 2025-06-27 HKT

40岁「𡃁模始祖」周秀娜于2009年推出首本写真，一炮而红，近年转型做实力派演员，非常成功。周秀娜最近接受前TVB主播方健仪的Youtube节目《女人方言》访问，大方回应「被包」传闻。

周秀娜大谈成长环境

方健仪的网上频道昨日（26日）公开最新一集，请来周秀娜做嘉宾。周秀娜除大谈家庭成长环境，自言家中有3兄弟，自己排在中间，会被家人忽略。提到出道初期，曾公开承认发型师男友陈伟成，二人于2013年分手，结束六年情。

相关阅读：38岁周秀娜现身中山场面混乱一举动证吓破胆「鬼影变幻球」身材再惹关注

周秀娜尝试识新朋友

方健仪问到感情生活时，周秀娜表示：「感情空白。（都冇乜人信）系咪呀？」方健仪说：「系呀，会觉得你好多人追。」周秀娜不认同：「唔知点解，外间系觉得好多人追，你话冇就会觉得一定系呃佢。」周秀娜自言曾认识新朋友，亦有尝试去接触，但了解过后，觉得不太合适。周秀娜透露如自己喜欢一个人，会全身投入，是个恋爱脑。

周秀娜不认识男方

对于曾传出「被人包」、大肚传闻，周秀娜罕有回应事件。周秀娜表示：「真系好感谢你问我呢个问题。」周秀娜称从没有人向她求证：「真系冇人问过我，好似呢件事已经唔需要问，其实我真系觉得好冤枉，𠮶个冤枉系我觉得我系咪因为咁所以冇拖拍呢？我真系唔知点解会咁样啰，唔知点样会传出嚟，我又唔认识𠮶个当事人。（你指男方？）男方，我唔认识㗎真系。」

周秀娜年年有戏拍

对于有一段时间消失幕前，周秀娜解释：「拍戏系咁咪㗎嘛，一年入面系拍两、三部戏，已经用咗几个月时间，同埋唔系拍完𠮶个时候就即刻出街，尤其系之前疫情𠮶几年，我系有两、三部戏拍咗直情出唔到街，某一啲原因。」周秀娜再强调每一年保持拍戏或者工作。

周秀娜清者自清

周秀娜续表示：「有𠮶种心声就系觉得，我有做过都好呀，但系冇呀嘛就系，哎呀，真系蚀咗，真系蚀咗啦！同埋一直都唔讲，系因为因为其实我又唔想俾人觉得我用嚟宣传，所以我就觉得等这件事，会不会自己清者自清呢？你点讲都会有人唔满意甚至唔信，当我去讲冇或者唔系，啲人又觉得你不肯讲，大家都系偏向于相信佢哋想相信嘅事实。」

周秀娜27岁想生仔

周秀娜透露27岁时曾想生小朋友：「后生𠮶时，想27岁生小朋友，但系过咗𠮶个时候就冇再咁样谂过。我记得有人曾经同我求婚，就喺𠮶个年纪，廿几𠮶阵。但系我事业啱啱开始紧，我系拒绝，可唔可以唔好喺呢个时候，过咗个年纪就觉得随缘啦。」周秀娜坦言如果随到一位可以令她放弃事业，价值观相同，相处开心的话，任何人也可以。