伍富桥千金老婆梁兆楹受访谈婚姻泪如雨下 为结婚「净身出户」坦然接受批评：要反思
发布时间：14:16 2025-06-17 HKT
伍富桥（Alvin）与亿万千金老婆梁兆楹（Shirely）自结婚以来，一直备受网民批评，梁兆楹多次被网民狠批「肥」、「丑」，更曾经出post反击网民「佢X得落系佢本事，你恨唔X到咁多」，引起全网热议。作为一名圈外人，梁兆楹近日登上ViuTV《晚吹- 怨女俱乐部》接受访问，她在镜头前被问到与老公伍富桥的婚姻、家庭背景等。而在伍富桥老婆梁兆楹的访问播出后，不少网民都留言表示支持梁兆楹，直言她只是圈外人却为老公上电视平反，绝对是「好爱佢老公」。
梁兆楹被批评外型：原罪都系因为钱
梁兆楹在节目中接受余迪伟访问，她在访问首段被问到，对网民的批评有甚么看法。她说：「结个婚啫 ，又人生攻击，又食软饭，做咩啫依家？我系一个素人，我嫁咗俾一个，佢又唔系天王巨星，又唔系特别出色，佢又唔系特别出名，可能我家底可能系比佢好啲，咁你要攻击佢食软饭。」梁兆楹老公伍富桥多次遭网民批评食软饭，她曾不愤并出post反击，「𠮶时系啱啱结婚嘅时候，唔识处理呢啲嘢。」
梁兆楹认为「结婚系一种冲动嚟」，但她与伍富桥的婚姻却遇到重重障碍，甚至被网民恶意批评，「啱啱结婚，有啲comment就话（我）抬上山可以食几日，通常都系攻击丑啊，肥啊𠮶啲，咁我又唔系做幕前，你攻击我托X啊？」但后来她慢慢想通，「其实原罪都系因为钱啫，万恶嘅金钱大家都钟意嘅，我都钟意，咁所以我接受啰。」
梁兆楹伍富桥婚前婚后财政独立
对于老公伍富桥被指食软饭，主持问到梁兆楹二人的日常开支及资产如何处理，她说：「我哋有倾过签婚前协议，临尾我哋知其实呢样嘢冇咩用，我记得我系喺佢面前，将我所有嘅嘢畀晒我阿妈，即系净身出户。」梁兆楹指当时伍富桥对她的决定表示「好啊，照结（婚）啰」。
梁兆楹指她与伍富桥婚前婚后均财政独立，「我哋两个系冇联名户口，佢亦从来冇要求过，我冇佢附属卡，佢冇我附属卡，我哋大家财政系非常独立。」但梁兆楹笑言她曾经向伍富桥说过一番话：「𠮶次我生日正日，好记得，咁就book晒所有嘢，我哋去马尔代夫。我喺个沙滩边问佢，我话，其实我觉得，我想认真同你倾吓偈。我话，你不如反思吓你自己，会唔会畀人一个感觉就系，你会唔会都畀人一种唔知做紧乜嘅感觉。」
伍富桥坚持做歌手 梁兆楹：我系感动
梁兆楹续说：「一个人去到呢个年纪，唔系净系去睇comment，然后去不愤，有啲comment系你要去接受，你要去反思，我系100%支持你。我畀你嘅底气就系，就算你依家甩晒佢（指幕前身份），重新开始，我都会陪住你重新开始。」其后主持问梁兆楹「甩晒咩？」她回答：「譬如你退出幕前啊，我叫佢好好谂吓，唔使依家答复我，因为系佢嘅人生大事。」梁兆楹续说：「隔咗一日佢就同我讲，我都系想做呢一行，因为呢个系我嘅梦想，𠮶吓我系感动。」
梁兆楹自责令伍富桥遭人误会
对于伍富桥仍然想在幕前发展，仍然想成为歌手，梁兆楹至今仍非常支持，到访问尾段，梁兆楹面向镜头向老公说：「我一路以来都有一个心结，我系觉得你娶咗我之后，做咩都好似好难咁，即系你付出嘅努力可能系人哋嘅120倍，但系永远啲人净系会见到我去帮你，呢个系我觉得最对你唔住嘅一样嘢。」
