80岁「御用恶女」梁珊状态令人匪夷所思 出身专业户拒打理幼稚园 为理想抗父命约法三章保清白
发布时间：22:30 2025-05-30 HKT
70年代女星梁珊入行初期拍电影，其后加入丽的电视、无线电视和亚洲电视，最为人熟悉的剧集有《天虹》、《天龙八部》、《再见十九岁》、《奔向太阳》等等，不过到了90年代，梁珊在电影《精装追女仔》中，饰演张敏妈妈「刁太」，以及在《富贵逼人》饰演电视台高层「吕魔头」，将「御用恶女」功力发挥得淋漓尽致。
80岁梁珊外貌与实际年龄完全不符
到了1999年，梁珊突然没有再拍戏，淡出幕前并到加拿大生活，近年才回流香港透露自己从未退出幕前，「唔知点解冇人揾。」日前梁珊罕有地现身于人前，为钟慧冰的YouTube的节目《冰姐的花样人生》担任嘉宾，今年已经80岁的梁珊，外貌与实际年龄完全不符，一如往年快人快语。
相关阅读：79岁《精装追女仔》梁珊跌落楼梯断手！罕受访谈近况 从未退出幕前：唔知点解冇人揾
「御用恶女」梁珊外貌与实际年龄不符：
梁珊从小开始已经想入演艺界
梁珊从小开始已经想入演艺界，到了中学时期，走红参加歌舞团，可惜被家人反对，要她完成学业才可以入行，想不到来到香港后，竟然令爸爸改变了主意：「我爸爸系律师，妈妈系妇产科毕业学生，本来爸爸谂住喺香港开间幼稚园畀我打理，但系我同爸爸讲，我都系对娱乐圈有兴趣，爸爸话惊我学坏，我就同佢约法三章，我保证你个女儿一定会出于污泥而不染，我到今时今日都好对得住爸爸。」
梁珊在行内有个花名「降落伞」
梁珊在行内有个花名「降落伞」，梁珊曾表示「降落伞」是与苗侨伟在1984年拍《楚留香之蝙蝠传奇》被他改：「我就唔敢认，佢哋话最大把遮系咩遮？我话我系Fruit Punch𠮶把，佢就话唔系，系佢哋噏之嘛，我又冇同意，不过我又冇反对，咁未算啰，同人拗咩啫？」但其实除了演员外，梁珊有一段时间更在电影学院担任讲师， 但她都试过因为「多嘴」而收口：「𠮶阵拍外景，细细声同导演讲话佢机位反咗，如果我唔讲嘅话，到时一定要返嚟补戏，点知传出去话我多嘴。」
相关阅读：70年代「御用恶女」梁珊激罕现身！外貌变慈祥老人保养得宜 拍《精装追女仔》最经典
70年代《欢乐今宵》台柱斑斑近况曝光？
梁珊多年来都少谈感情事
梁珊多年来都少谈感情事，但原来她早已有另一半：「喺我生活，呢啲系我嘅私人事，所以我尽量都唔讲，因为对于我嘅工作同你哋认识我都系冇影响，你哋都唔需要知，只系八卦新闻啫。」相比之下，梁珊不介意谈年龄与及保养之道，梁珊曾说：「朝早喺山头行半个圈，吸吓新鲜空气，得闲又有做瑜伽，仲有跳印度舞。大家做吓运动就冇事，佢哋话我有意识地忘记一啲嘢，有啲嘢唔钟意就唔记，今日闹咗我、听日就唔记得，有啲嘢记嚟仲咩呢？我唔钟意回忆，回忆当然有好嘅，但终归有啲嘢唔满意，前面仲有嘢做，点解唔做好前面啲嘢。」
