《中年好声音3》导师指赵浚承有老婆加持不恰当点名王馨平：系咪感动到你，走音都唔紧要

更新时间：21:30 2025-05-07 HKT
发布时间：21:30 2025-05-07 HKT

《中年好声音3》决赛《中年好声音3登峰之战》将于5月11日（星期日）晚上7时45分在启德体艺馆举行。赵浚承上集以98分夺得MVP，与张与辰、黄博、李金凯、刘洋、占士丁丁及陈芷盈攻入七强，不过赵浚承献唱《Forever Love》时有老婆及表演时获特别播放夫妻照加持，引网民质疑是否欠公平。日前曾任《中年好声音3》导师的张崇德亦拍片分享看法，质疑几位评审太着重于「感动位」，似乎对其他选手不公平。

张崇德谈如何在主观评分下保留公平性

歌手张崇德近来紧贴《中年好声音3》战况在YouTube频道作评论，由于他曾任《中年好声音3》团战导师，加上做歌手的资历够深，不少网民观看他的评论影片，都赞他评论公道。日前播出选出七强选手入决赛的一集，张崇德留意到不少网民质疑赵浚承夺得MVP入决赛是否欠公平，他先提出作为歌唱比赛评审，先要厘清评分准则。他列出歌唱比赛评审的评分纸大多将评分位分为「音准拍子」、「声线气息」、「技巧难度」、「感情投入」、「舞台表现」五大评分范畴，虽然评分都是有主观性，但有列表中的范畴限制下，所有选手都以这五大范畴来判定分数，公平性相对较高，而他认为当晚的评审看来更著重于点评赵浚承的「感情」，质疑是否有对其他选手一视同仁。

相关阅读：中年好声音3｜终极七强背景逐个睇黄博、李金凯、赵浚承边个系冠军大热？

张崇德认为赵浚承不值98分直斥欠公平？

张崇德点名王馨平

张崇德提到当晚客席评审王馨平，他说：「佢一开头讲，最紧要、最著重就系『感情』，感动到佢就会系高分，呢个咪系佢自己著重咗『感情』啰，『感情』对佢嚟讲最紧要。嗱，呢个系我自己讲啫，咁系咪感动到你，走音都唔紧要？」他举例感动来源可以是电影、对白、情景等，「但而家系唱歌，唱歌的角度仍然有音准拍子、音色、演绎，有好多样嘢……如果只系用『感动』咁就太过单一。」他认为如果一众评审都认为「感情」非常重要，该集就应将评分位上的「感情投入」比例提高，「你如果用呢个准则话呢个参赛者，同样准则亦要摆落另一个参赛者度，呢个系评判应该做嘅，你要有一致性，同埋要尽你能力去公平。」

张崇德质疑《中3》比赛选曲的设定

张崇德认为该集的主题是「经典情歌」，不过一众评审明显更著重「感情」，因此他认为：「如果系设定为『感动人的歌』可能会合理啲，目的系一定要听到你嘅歌系感动到人。其实个设定，你点定都得，如果你设定好，大家都会跟从呢个方向去唱同畀分，但今集系『情歌』，如果只系睇『感动』……好似太感性。」张崇德直言感性及理想是在评分时是可并存的，音准及拍子都非常重要。他表示：「我觉得今集太感情，少咗理性，甚至有啲情绪化。好容易牵动到情绪，分数就会高，呢个我都觉得唔太理想。」

张崇德以伍仲衡作歌求婚作比喻

张崇德以自己的角度重看赵浚承当晚的表现作出看法，他表示：「大会加插咗佢同佢太太啲片段喺背景度，我觉得呢个系唔恰当，亦都系唔公平嘅！因为你咁做就会影响咗大家观感，无论系视觉、感受、情绪上都会被牵动，呢个我觉得系非常之唔好。」他认为如果八位参赛者背景同样有类似影像播放才没有问题，「点解我要讲呢样嘢，因为你唔使理佢唱得好唔好呀，你有咁嘅画面出嚟都已经影响咗。」张崇德更以伍仲衡当年作歌求婚一幕，他直言非常感动，「我当时都话好触动到我，我都有啲眼湿湿，但系佢唱得一啲都唔好，但你喺𠮶个环境下，睇到一件感动嘅事情发生，就自然会被感动啦！咁佢唱到走音，你一啲都唔会介意，因为你觉得个『心』重要过唱功呀嘛！其实对赵浚承都唔公平，因为你畀人有个唔好观感，点解得你有呢样嘢？系咪情绪绑架咗评判呀？如果佢真系唱得好好，其实需唔需要呢啲片段喺后面呢？」

王郑浚仁8强止步惹争议获甄妮力撑？

张崇德点评赵浚承表现一般

张崇德以唱歌表现方面点评赵浚承，他认为赵浚承当晚表现并非特别好，他说：「我听到嘅仍然有佢怪怪哋嘅『鸭仔声』，当然你可以话成为佢嘅风格啦，但呢个都系同口形有关，有啲嘢系好大问题。你睇佢口形……其实就系影响发声呀嘛！」另外，张崇德认为赵浚承唱歌时大细声收放未够自如，「对于我嚟讲，如果你连声音控制，你都未能固定到你自己同一把声唱晒成首歌的话，咁其实呢个就系问题喇！」而他亦不认同赵浚承表现值98分，更抽出王馨平对不同参赛者的评分，发现她为刘洋、李金凯及赵浚承都分别给20分，他问道：「到底佢分唔分到呢三位边个唱得好啲呢？嗱，呢个就系我话个准则，究竟评分标准里面，大会要求评审系咪要分辨到边个高啲、边个低啲？定佢可以好随心，咁系唔理想。」

↓立即下载星岛头条App↓