中年好声音3丨谭咏麟爱将终洗脱污名？ 王郑浚仁被形容「黐线杂技团」表演 肥妈拒绝黄博唱自己的歌

TVB真人骚《中年好声音 3》明晚（27日）播出长达 2.5 小时的 9 强之战！本回合主题是「改编歌之夜」，为令观众对《中3》9强有更深入的了解及认识，制作组各人安排了单人外景拍摄，相当有心。本集对决相当精彩，9位参赛者中有8位参赛者获得超过90分，当中不但有人勇夺99分，获得95分以上的也有四位之多，成绩相当亮丽。

张智霖将会担任评审

《中年好声音３登峰之战》将于下月11日在启德体艺馆举行，继来自台湾的跳舞天王罗志祥（小猪）担任快歌评审后，今日公布另一评审的身份，歌手出身的张智霖将会担任评审，他还为此特意拍摄宣传片，相关宣传片将于今晚（26日）在翡翠台黄金时段播出。

相关阅读：中年好声音3丨「假音王」因一理由难忍受挫想弃赛？黄博张与辰大战一触即发！评审态度出现反差

郑浚仁献唱《爱火花》有惊喜：

王郑浚仁抛下对完美唱功追求

本集对决相当精彩， 最惊喜的表演要数王郑浚仁献唱的《爱火花》，王郑浚仁今次抛下对完美唱功的追求，选择尽情享受舞台，除与现场伴奏的Live Band玩埋一堆、又唱又跳搞到满头大汗，在歌曲结尾部分更以近乎完美飙高音 round up，技惊四座，主持车婉婉一走上台即忍不住赞叹：「佢将屠龙刀倚天剑冚唪唥拎晒出嚟呀，好似年初二放烟花咁。」而一众评审亦同样赞不绝口，其中周国丰以「黐线杂技团」形容王郑的表演：「今次你系饰演咗成个杂技团，但呢个咁黐线嘅表演，你系做足到，你呢个表演值满分」肥妈：「后面嘅准确度同嗌、同埋最尾嘅 Falsetto（假声）用真声去到，呢个真系好难度高，真系要畀啲掌声队 Band，因为你畀我哋睇到你哋嘅合作性。」海儿：「你进化咗！我哋一直都知道你系得嘅，但你永远就系争𠮶少少，你今日全部做到晒，咁高难度嘅杂技畀你完美咁 Execute，赏心悦目，绝！冇嘢好讲。」张佳添：「你而家开演唱会呀，咩事呀？带到啲观众 High 晒，我觉得呢个系王郑浚仁先够姜去度啲咁嘅嘢出嚟玩，呢条友真系好识唱歌。」潘伟源：「你嘅眼神（同首歌）好夹，非常之好。」

赵浚承凭《雾之恋》洗脱「净系得个样」污名

至于赵浚承的《雾之恋》不但同样为评审带来惊喜，海儿听到劲陶醉兼竖晒手指公，并直指今次表演可为赵浚承洗脱「净系得个样」的污名。海儿：「呢个系咪你第一个 20 分？你值得嘅，个个都话你系颜值担当，我觉得好唔公平嘅，你今日系用个心去带住你把声同带住你个样，先可以唱得出咁高质嘅歌。」肥妈则寄语浚承要对自己有信心：「你那眼中都有我，你真系有呀，你有𠮶种火呀，我哋知你做到嘅，但你永远都收埋收埋。」张佳添：「呢个绝对系你喺《中 3》嘅shining moment，升 key 半度再半度再一度，够姜，唱到，仲要系好听咗，个层次出晒嚟。《雾之恋》听咗几十年，原来《雾之恋》啲雾可以上到青山嘅。」潘伟源：「真系处理得好好，因为呢首歌真系听咗好多年，我成日都谂点样翻出新花样，而又要合理，你今晚真系做得到。」周国丰：「请你记住你系有实力架，除
咗靓仔。」

相关阅读：曾志伟72岁生日派对有惊喜！《中年好声音3》二大人气王玩对唱 有望跑出成「谭辉智2.0」

大热门之一张与辰转玩Sexy风格：

张与辰今次转玩Sexy风格

大热门之一的张与辰今次转玩Sexy风格，以慵懒又有魅力的声音弹唱《拒绝再玩》，别具个人风格。张与辰事后坦言希望每次站上《中3》舞台，都能带给观众不一样的感觉：「因为我从来未sexy过，但又冇胸肌所以攞件scarf嚟冚住吓。」车婉婉闻言即以手触碰张与辰的Scarf，并开玩笑谓：「拉低啲咪得咯。」令献唱时奔放自如的张与辰忽然变回怕丑仔，场面搞笑。对于张与辰表现，评审可说一面倒正评，出名反应王的肥妈与海儿，在台下听歌时已忍不住相视而笑兼流露赞叹样，海儿坦言听完面红耳热：「你把声好似跳紧脱衣舞咁，可以用声音做到咁多唔同音色，我觉得可以叫你Ad- Lib王子，好正，真系好少听歌听到面红。」肥妈则笑言听到「头赤」：「佢真系唱到不羁嘅感觉，好自然流露出嚟，我觉得任何女人都会畀佢电到。」张佳添则大赞张与辰so talented：「呢个比赛才华值你系最高嘅，弹琴叻弹结他叻，识编曲识作曲，识做音乐制作，快歌慢歌rock歌R&B冇一样难倒你，你sexy系因为你真系一个好有才华嘅音乐人。」嘉宾评审潘伟源：「其实我真系嚟睇show，好精彩嘅音乐会，你今日系一件好精美嘅乐器。」就连出名百弹斋主的周国丰，亦高度评价，并坦言愿意为张与辰今次表现给出20分满分：「成件事你有少少唱到灵魂出窍，真系唱得好好，你同只歌已经合而为一…头先我用咗至少45秒时间，究竟我系畀19定20分你。」

周国丰赞黄博Hi-Fi靓声

同样吸引评审给出高分数的还有另一位热门黄博，虽然黄博台上透露不太敢挑战《蜚蜚》，皆因担心自己做得不够好；不过由于献唱时游刃有余、歌声亦极富感染力，结果获得一面倒好评，超过一位评审认为要扣黄博分数难到不得了，肥妈更笑言不容许黄博以后唱她的歌：「你知唔知你唱人哋嘅歌，人哋有压力架，黄博我哋要喺鸡蛋里面挑番𠮶一分出嚟知唔知几鬼辛苦，但点都要减佢多少嘅，因为佢织冷衫都入咗去（final）架喇。你系好投入、好享受你嘅歌，你好有自己。你以后唔好唱我嘅歌呀，唔系偷鬼咗我嘅歌！」海儿：「我哋暂时冇睇到你有驾驭唔到嘅一次，全香港嘅歌手都担心紧你唱佢啲歌，真系唱得非常之好。」张佳添：「你能够将呢首歌由microdynamics再去macrodynamics，你简直带我哋上山落海，情感好足好澎湃，差唔多perfect。」周国丰：「你今日声音状态好好，接近Hi-Fi发烧𠮶种状态，无论感情声音控制都好好。」