TVB一线小生爆为揾食曾接全裸工作 叹近5年曝光近零 富贵老婆屡揿火爆性格：我咩都化晒
发布时间：10:00 2025-04-12 HKT
43岁袁伟豪2020年迎娶细10年张宝儿，去年11月二人荣升父母，儿子「袁咕碌」袁晞祐（Hayven）已经1岁大。因张宝儿出身大富之家，袁伟豪被认为身价几级跳，故近年一直被网民封为「亿万驸马」。昨日（11日），袁伟豪接受资深电视剧制作人杨绍鸿的YouTube频道专访，自爆曾为揾食接下全裸工作，更慨叹自己有近五年时间曝光度近零。
袁伟豪爆为揾食曾接全裸工作
昨日（11日），袁伟豪接受资深电视剧制作人杨绍鸿的YouTube 频道专访，被问到为何会拍摄大尺度人体写真时，他表示：「𠮶时我25岁，做一啲幕后工作，得闲就揾下啲part time，咁啱就系网上应征model，就有一啲画家定期做啲人体素描，问我有冇兴趣，我话都可以试下嘅，其实我都有少少却步，不过当时拍拖嘅朋友仔呢，佢嘅性格比较洋化，就鼓励我去尝试，咁我又觉得人生系要做啲多啲经验，所以就胆粗粗走去试，就做咗一次人体素描模特儿。（有冇觉得尴尬？）一定有，7、8个artist围住，我一入去放低个背囊就开始除衫，去到𠮶个位已经返唔到转头，咁咪试下啰！咁都有咕𠱸遮下啲重要部位嘅，但画咗5分钟之后我觉得对佢地唔系太尊重，所以我就放开放松，随便画啰！」
相关阅读：43岁袁伟豪海量童年照曝光！五官复制妈妈 见证强大基因四代如饼印
袁伟豪接受杨绍鸿专访：
袁伟豪富贵老婆屡揿火爆性格
当被问到为何性格火爆时，袁伟豪表示：「屈得耐啰！其实系一个阶段嚟，对自己工作有要求，或者自己嘅观点同外边畀我嘅对比太大，或者我自己嘅睇法同个世界背道而驰，就会有一种咁样嘅回应啰，我觉得唔系真火爆，而系谷咗好耐。𠮶阵会觉得点解自己辛苦工作咁多年，点解传媒系唔会理你㗎㖞，只会讲八卦新闻，我唔明呢行系点玩。（依家化未啊？）依家梗系化啦，结咗婚啦！结咗婚你地随便讲啦，合法夫妻都冇乜所谓。（依家唔会咁轻易去动怒？）唔会，但可能会有微言，个种微言系慨叹啦，太太有劝过我好多嘅。」
相关阅读：TVB小生晒7千万豪宅花园如私人游乐场 仲有机动游戏？亲自组装因一事怨老婆
袁伟豪张宝儿豪宅内貌逐格睇：
袁伟豪叹近5年曝光近零
最后被问到近年曝光度减少，袁伟豪表示：「呢个系公司安排啦，冇办法，我条命系咁样，以前我好多嘢做，因为我拼搏，去到公司想摆我去另一个位置，我又跟住去做。但系去到公司转高层、转格局嘅时间，我又冇咗个班人揾我做嘢，重新要再去建立，同埋呢7、8年呢，差唔多都有5年㗎啦！我呢5、6年我系好少系电视出现，因为由本地公司制作，开始去到同内地合拍，𠮶个交界里边，一年开一两套，或者系两年先拍一套，咁大家咪少咗见我啰！（有冇谂过去点keep住知名度？）我地系社交平台上post嘅嘢大家都会见到，传媒都会系𠮶到攞话题，至于你话新人，我系比较会分享一啲经验畀佢地，希望佢地行少啲冤枉路。」
