中年好声音3丨「抗癌战士」任永健14强止步！因一事被网民戥不值 错过儿子成长惨被当陌生人
发布时间：20:00 2025-04-07 HKT
TVB真人骚《中年好声音3》昨晚（6日）播出的一集是「中2生助力赛」下半场竞赛，最高分数由两代「重炮手」刘洋与沈宗贤合唱《让我一次爱个够》获得94分， 经过一轮生死决后，12强选手终于诞生。《中年好声音3》决赛登峰之战将于5月11日假启德体育园启德体艺馆举行，届时逾七千位现场观众齐来见证《中年好声音3》王者诞生。
12强选手成功诞生
成功晋身12强的包括有善玥澄、罗逸轩、刘晓昆、曹越、赵浚承、王郑浚仁、占士 丁丁、黄博、张与辰、刘洋、李金凯和陈芷盈，阮慧珊和任永健则于14强止步。「抗癌战士」任永健13年前确诊鼻咽癌，一度因病失声，他曾表示参加《中年3》目的为了做个好榜样给孩子，他在台上的一番感言，触动了不少网民。
相关阅读：中年好声音3丨支喾仪助唱变「阻唱」？王郑浚仁黑面跌入危机区 网民留言惹争议：自己唱好过
「抗癌战士」任永健14强止步：
任永健为了做个好榜样给孩子
14强止步的「抗癌战士」任永健，13年前确诊鼻咽癌，一度因病失声，他曾表示参加《中年3》目的为了做个好榜样给孩子，勇于挑战，追寻梦想。昨晚宣布任永健在14强止步后，他在台上分享感言：「爸爸今日终于舞台离开，喺呢个社会、世界里面叻人有好多，但输咗唔代表乜咩，系一个经历，令人生继续前进嘅一部分。唔好因为对手好叻就怕而唔玩，爸爸想你知，爸爸日日要对住『大魔头』，其实爸爸每日都好惊，但我都会继续努力。冇谂过自己喺呢个比赛得到好多好多嘢，周Sir虽然成日畀好低分，但佢系一个无论台前定台下都对我好鼓励、畀到好多信心，亦都畀到意见我嘅一个评审，我觉得好感动，多谢。」向来暖心的肥妈随即给爱的鼓励：「你冇输，你第14名呀！」
任永健未有想过自己可以上电视
其后任永健在节目尾声，看到自己昔日的表演片段，他续说：「𠮶阵时冇谂过自己可以上电视，呢个系我第一次上电视，感觉真系好梦幻，冇谂过自己可以做到，可以喺咁多人面前喺大气电波面前唱歌。其实系小朋友嘅力量，令到我有呢个勇气参加比赛。因为我想同佢证明一啲嘢：『努力做就得㗎啦，你睇吓爸爸。』」任永健还说：「我能够留喺呢个舞台有好多因素，可能系好彩，又或者可能系你𠮶日嘅表现状态好，但系你唔知呢个机会几时就会冇，所以我好珍惜每一次喺《中年好声音》畀我嘅机会。但系一谂到呢度，我就谂起我个小朋友。」他哽咽道：「8个月啦，我个小朋友岁半，大个咗好多。我有时都喺度谂，我系咪好自私去做自己想做嘅嘢，忽略咗我屋企。我见到我小朋友岁半，但系过咗有一半嘅时间我冇乜点陪过佢，佢好似唔识我咁样。我系咪要继续坚持㗎？再坚持得唔得㗎？我小朋友会唔会唔记得我？但系撑到呢度，我觉得对所有人都有交代。」
相关阅读：中年好声音3｜谭辉智另类助力罗逸轩 海儿笑破肚皮 甄妮叫王郑浚仁别「求求其其」
罗逸轩孖谭辉智跳出舒适圈玩突破：
任永健感言触动了不少网民
任永健的一番感言，触动了不少网民，有人在《中年3》的FB群组留言，有人说：「本应不止于此，今次输在歌畀人栋，Key又畀人栋...庄变咗闲。」、「以素人嚟讲佢好大进步。加油。」、「早几round唱快歌那次，听他说的话，觉得他已经想著会被淘汰了，然后可以留到今round，他可能觉得已赚了，所以即使得81分，感觉他都坦然接受。」、「选歌都仲还算可以，但个Key低成咁，好明显唔啱永健唱。」、「虽然我唔系佢支持者，但见他今晚好努力表演时，班评审好唔buy，木无表情，佢哋好差咯，不过当宣布佢要foul时，有其他参赛者都好唔舍得佢，但另一个被foul 嘅，冇人理佢咁，所以任嘅人缘不错呀，加油。」
任永健有份参与港珠澳大桥兴建工程
任永健现为一名土木工程师，有份参与港珠澳大桥兴建工程，任永健12年前曾确诊鼻咽癌，虽然治疗期间是人生最痛苦的时间，但他仍觉得患病令他得著不少，令他深深体会到太太如何不离不弃的同时，更令他放下执著，活得正面：「之前觉得自己系悲剧男主角，但病之后个人放松咗。而家新识嘅朋友，都会觉得我系一个非常积极、正能量嘅人，好钟意呢一个感觉。」任永健还坦言今次参加《中年好声音3》目的希望为孩子树立好榜样。
