「银坛铁汉」望老婆早死？结婚半世纪有两个字绝口不提 太太惊见「肺花」险进鬼门关
发布时间：09:00 2025-04-07 HKT
纵横演艺圈逾70年、现年77岁的姜大卫（John哥）与76岁的前TVB花旦李琳琳是圈中的模范夫妇，两人结婚逾半个世纪，经历不少风雨。早前李琳琳惊爆曾因肺炎入院，差点逃不出鬼门关，姜大卫当刻真的心力交瘁：「医院又只可以陪到夜晚，又要顾住佢中午食乜，晚饭食乜，啲仔女又去探佢，不过都唔紧要，知道佢有好转，可以出院大家都开心。」
姜大卫李琳琳50年情不变全靠忍
日前姜大卫接受伍仲衡和周国丰的YouTube节目《周五有周伍》的访问，表明不会唱歌的姜大卫，与二位主持倾足二个钟，对于与李琳琳的50年夫妻关系，姜大卫说：「呢个一定系互想去改忍同包容，由初初识嘅激情同爱情，变咗而家嘅亲情，唔可以冇咗对方，当然男士让多啲，女士顾下男士嘅谂法。」姜大卫更坦言希望早死过太太。
相关阅读：60年代花旦险进鬼门关！因肺炎紧急入院惊见「肺花」急召肿瘤科医生：体力已经好弱
姜大卫望太太李琳琳走先：
姜大卫不知对李琳琳是否一见钟情
在节目上，姜大卫坦言不知是否对李琳琳一见钟情，不过曾经在街上巧遇对方，立即上前与对方打招呼，到了70年石天结婚，二人才正式交往：「𠮶阵佢做伴娘，我就去饮，之后， 一齐去玩，冇耐就一齐。不过我哋拍拖一年左右，已经同居，试过为咗一件事冷战咗一个月，跟住有一日仲执埋行李走，去咗朋友屋企住咗一个月，直到有一次喺街撞到，之后再打电话畀佢，倾吓就冇事，去到1974年咪结婚。」其后举家移民去加拿大，李琳琳便决定退休：「𠮶阵佢仲有喺𠮶边做电视，不过后来发现唔得，对啲细路唔好公平，所以决定退休照顾家庭。一讲就退咗30几年。」
姜大卫离婚呢两个字从来都唔会讲出口
姜大卫还说：「我哋当然有试过闹交同冷战，但系离婚呢两个字从来都唔会讲出口，连闪过都冇。我哋而家系唔可以冇咗对方，好多嘢系对方提醒。」面对生老病死，姜大卫说：「好多年我睇过一部作品，又系两公婆，年纪大嘅人，个老公讲咗一段对白，应该都系好，意思系话佢情愿太太走先，因为大家年纪大，太太走先，只系老公伤心，佢唔想自己走先，太太会伤心，所以我觉得呢个男人好伟大，我都有呢啲谂法，如果佢走先，我会伤心，但系我会好快适应而家呢个世界，如果我走先，我太太就有好多嘢唔得，身体唔得，好多科技嘅嘢唔得，我虽然唔叻，但系都叻过佢。好多生活上嘅嘢，呢10几年都系我照顾佢，如果有呢啲咁嘅事，我情愿（敲敲枱指一指前方）。」
相关阅读：姜大卫预祝李琳琳76岁生日 曹永廉子女罕现身似足外公 颜值身高成焦点
姜大卫超强演艺家族：
姜大卫称李琳琳听觉有好转
姜大卫续说：「我哋而家唔谂呢啲，亦冇得谂，要活在当下。」李琳琳于2011年曾发现患上大肠癌，之后扩散至淋巴，姜大卫当时一度停工照顾爱妻，幸好经历了两年抗癌之路，终于康复。李琳琳今年年头前因肺炎入院，差点逃不出鬼门关。姜大卫说：「𠮶阵佢唔舒服，叫佢睇医生，佢唔睇，叫佢食药，挨咗10几日先去睇，医生话你就嚟死，好彩呢个医生系睇开，我太太有哮喘，佢好容易有肺炎。佢旧年入咗2次医院，呢一次系好犀利，住咗7日，连医生都话佢争啲死。」姜大卫笑称现在经常在中环出现，因为要陪太太睇医生：「而家有好消息，最近有朋友介绍佢去针灸，针咗9次左右，佢只耳仔听到声㖞，希望可以一直听到。」
李琳琳自称是一个唔系好锡身的人
李琳琳曾说过：「我系一个唔系好锡身嘅人，近呢几年注意咗， 前排啲肺炎好劲，有啲人抵唔住都往生咗。我都唔知自己系咁严重，直到我去睇医生嘅时候，医生叫我即刻入院。第二日医生同护士讲，如果佢系第二个，就已经死咗，我先知原来系咁严重。」姜大卫续称：「佢个肺嘅X光片直头花咗，之前𠮶边都系花咗，另一边本来冇咁犀利，但系今次都花埋，所以医生即刻揾肿瘤科医生，惊佢系啲唔好嘅嘢，好好彩原来唔系，系花咗，肺炎。」李琳琳称当时由元旦日开始发病：「病到我入咗院，住咗6日，1月22日出院，但系个人体力已经好弱，肺炎好番，医生叫我乖乖哋，唔好周围走，推咗好多约会。」
