陶大宇直认同富贵花旦好夹！读「Jessie 」冇次嗌得准：真系讲错冇人纠正过我
发布时间：20:30 2025-03-31 HKT
阮兆祥、梅小惠和江欣燕主持的TVB节目《友乜唔讲得》在昨晚（30 日）的嘉宾是有「师奶杀手」之称的陶大宇。入行逾40年的陶大宇曾是TVB一线小生，主演过不少经典剧集，90年代主演的《壹号皇庭》、《刑事侦缉档案》及《青出于蓝》等剧集都叫好叫座，令他人气爆升，成为师奶杀手。要数陶大宇经典剧集作品，不能不提《刑事侦缉档案》，而当中流传至今的话题，是陶大宇在剧中将郭可盈角色英文名 Jessie 读错做车匙。
陶大宇将Jessie 读车匙从来没有人纠正
陶大宇指是「纯粹真系讲错」，并笑言若大家细心留意，会发现他不但将Jessie 读车匙，还会读错做「Jack 匙」、「姐匙」等，但令他最感离奇的是，从来没有人纠正他：「其实如果大家抽丝剥茧，我嗌郭可盈个英文名，系嗌咗三至四个唔同音架，但都冇人纠正过我，就连郭可盈都冇纠正过我架。总之系（读到）错晒，冇一次嗌得准嘅，原来咁都得架㖞原来。」
相关阅读：陶大宇自爆为李珊珊顶酒断片 爆头流血枕头全湿 误打误撞靠商演继续生存
陶大宇直认与郭可盈很夹
当年陶大宇和郭可盈凭《刑事侦缉档案》被观众视为萤幕情侣，在节目上，陶大宇直认与郭可盈很夹，并谓郭可盈选完港姐第一部电视剧，就是和他合作《Catwalk 俏佳人》，问到当时有否以前辈身份教郭可盈，陶大宇说：「唔使教，可盈好聪明架，好快上手。」又大赞当时公司甚懂宣传之道：「当时喺电视剧入面都算创先河，因为𠮶时系一班港姐演啦，有啲有名次、有啲系落选嘅，为咗令人熟悉佢哋，剧入面全部用佢哋真名，我就用番剧名。」
陶大宇坦言拍《刑事》苦多于乐
对于当年拍《刑事》，陶大宇坦言苦多于乐，并以「一片空白」形容拍后感：「拍得太多呀，同埋咩都关你事，变咗无咗感觉。你知电视剧跳拍架嘛，一辑入边可能有八单 case，但你唔系逐单 case 拍，系一日拍两、三单 case（PS 跳嚟拍，因为要就场景），所以系乱晒大笼架。」陶大宇又大方分享一次发忟憎的经历：「三句对白架啫！我好记得嘅，我只系做一个镜头啫，就系『咯咯咯』（敲门声），林漪娸Madam 话 come in，我就入去话：『Madam，成件事 close file 架喇，我哋可以唔使再查落去㗎喇』。就系咁简单啫，我系冇办法一个 shot 讲到，攰呀！我连 madam都讲唔到，终于𠮶句对白要分开三个 shot 拍。」陶大宇续说：「𠮶时喺四个月里面，我同忠仔（梁荣忠）差唔多每一日只系平均瞓咗三粒钟，但都开心嘅，大家一齐挨，见个对手仲多过见自己阿妈。」
相关阅读：61岁陶大宇惊爆已结婚 老婆正面容貌曝光 林建明无预警爆料陶太惊讶甜笑
陶大宇自创「掩额头」Meme图全因角色太平平无奇：
陶大宇创下不少「网络经典」
除了将 Jessie 读错做车匙外，陶大宇创下不少「网络经典」， 其中「掩额头」动作的起源，是因为当年在剧集《心花放》的角色平平无奇，陶大宇于是自创小动作突出角色：「呢个我系刻意摆上去，等于赌神一偷鸡就摸戒指 一样，又或者发哥以前嘅『系咁先』。因为剧入面个角色冇嘢做架，做啲嘢好湿碎，冇乜戏好演、冇性格，我就心谂不如加啲小动作，将我嘅喜怒哀乐都摆喺呢 个动作度。」陶大宇又谓最难忘是有一名有心网民，竟将他在剧集中第一集至三十集的掩头面动作全数逐一 cap 下，令他叹为观止。 陶大宇的演戏设计灵感来自发哥原来亦有原因：「𠮶时训练班啲教材全部系发哥嘟姐架，《上海滩》、《网中人》咁，所以𠮶时洗晒脑架，个个同学都以为自己系郑裕玲同周润发。」他又谓当时很羡慕比自己早出道、而又已经备受力捧的「无线五虎」，就连「登台最赚钱」的觉悟，也是源自五虎：「其实唱歌系为咗揾食架啫。𠮶时好兴登台，见到五虎登完台就换车好羡慕咯。所以做艺人个袋入面一定要袋住几首歌，将来有机会时就有得用。」
