TVB金牌女司仪寸嘴大声兼犯众憎？被幕后PA揞名爆主角7字回应网民一面倒有呢个反应

更新时间：18:00 2025-03-27 HKT
发布时间：18:00 2025-03-27 HKT

2011年港姐得殿军麦美恩（Mayanne）曾经在台庆夜揽实郭珮文「乱揈」而令「最强Body」呼之欲出，被网民封助攻王的麦美恩一直备受宠爱。继早前被方皓玟误会在网上留言影射她身形瘦，但事后原来怪错并想跟麦美恩想做朋友，一度成为网上话题后，麦美恩再度「中枪」。

自称曾做过PA的人轰姓麦好X嘈

日前在Threads有一个自称曾做过PA的人发文，以不开名形式爆指「TVB姓麦行内人其实好多人都唔钟意佢」：「以前做过PA，其实TVB姓麦好X嘈𠮶位女士，本身都冇乜礼貌，内人其实好多人都唔钟意佢，但系佢就觉得自己好似郁郁不得志咁，又唔知自己寸嘴兼大声。想当年连佢个好拍档周xx 话佢块面大过pizza‧，不过唔知点解而家啲人成日话钟意佢真性情，讲出嚟都笑大人个口。」

麦美恩被行内人讨厌？

麦美恩本人留言叫开名

虽然内文未有指名，不过已经有不少人觉得是针对麦美恩，而麦美恩本人亦很快留言：「吖啊，你开全名啦！」吴若希留言力撑：「无做过PA，我认同TVB姓麦果个好L嘈！唔好畀佢知你全名，佢离9丈远都会大叫你全名同你打招呼，好有礼貌，但其他嘢就唔认同。」文中的「周XX」周奕玮也留言：「其实，pizza 系三角形㗎。」骆胤鸣还说：「见留言咁多人冲出嚟认证返佢有礼貌、好专业，我就放心了。Anyway以前做过电视台，TVB 姓麦𠮶位，平时好静㗎，我嗌错佢做Maryanne佢都无黑面，想当年佢个好拍档，周xx 都话过佢龙x。不过唔知点解而家周街都系绝脂神广告，算唔算系靠实力为屁股平反咗。见过真人好瘦，虽然有时兴奋嘅时候有啲嘈，但我估唔到大家睇台庆嘅话会想睇静过图书馆嘅台庆。师兄，节目效果就系要有效果，见过佢做annual dinner，专业识执生、识搞气氛、识大体，算啦呢啲都系司仪好基本嘅嘢～净系on show前几日收到稿，问我啲中文名好难嘅字点读，就知佢好乖会做功课，尊重嘉宾唔好读错人哋个名，唯一嘅缺点系钟意追星。」

麦美恩被网民力撑

还有网民直言：「唔觉佢无礼貌啵」、「见过真人，做嘉宾都劲专业」，甚至有真．PA留言道：「以前做过PA喺生活台到做，你口中嘅麦女士就系系隔离房，久唔久会入嚟生活台同导演s吹水，我地呢啲台嘅底层蕃薯，麦女士对我地都好有礼貌同好友善㖞。以我见到嘅嘢系佢地周遭嘅同事关系都几好，近到咁嘅人都冇乜点唔钟意佢，你啲消息边到嚟黎定你X吹？你口中嘅周xx ，我当年长期跟佢个节目，只系见到佢地两个都好玩得，就算系有讲面大过pizza都9成9系讲笑玩下，Btw第一眼以为你讲麦玲玲。」、「佢真系好嘈，但系好钟意佢」，麦美恩亦回复有网民说：「谢谢。」其后再回复传媒：「多谢你有睇。我唔回应啦。大家食完花生笑下就OK，感谢。」