友乜唔讲得丨胡枫自揭21岁起养成「步行养生大法」 脸上一特征曾被谢贤强行做呢件事
发布时间：23:00 2025-03-22 HKT
由阮兆祥、梅小惠和江欣燕主持的节目《友乜唔讲得》，在明晚（23 日）播出的第七集找来胡枫担任嘉宾，胡枫更刻意在衣著上与三位主持衬晒色，相当暖心。曾是粤语长片常驻演员的胡枫，80年代加入TVB后，曾担任过《欢乐今宵》的主持，在节目上还曝光了不少胡枫昔日在《欢乐今宵》的精彩演出。
胡枫被爆私下佻皮又幽默
胡枫被爆私下佻皮又幽默，在行内出名是「开心果」及「好好先生」，相识多年的梅小惠笑说：「佢好犀利嘅，佢永远搞笑唔笑，引佢又唔笑，永远搞到我哋自己笑，佢就唔笑，教识咗我哋点样笑与唔笑之间。」
相关阅读：93岁胡枫有星四代继承衣钵？「四大曾孙」风头直逼太公 12岁大曾孙身形高大兼俊俏
友乜唔讲得丨胡枫是「开心果」及「好好先生」
胡枫21岁开始已有「行路养生」习惯
江欣欣原来入行首部电影即与胡枫合作，因而发现胡枫原来有櫈都唔愿坐：「套戏我同君如系演舞女，咁ending 好多困兽斗嘅戏，我同君如都好眼瞓，一见到櫈就坐，但修哥唔坐架㖞，不停喺度行行行。到我谂住畀番张櫈佢坐，修哥就话：『我唔坐嘅，你哋后生坐啦』。」胡枫事后笑言其实自21岁开始已有「行路养生」习惯：「我喺1953/54 年开始行，行到而家喇，求其有地方就行。」阮兆祥闻言即大搞烂 gag：「咁咪读万卷书不如行万里路？」胡枫即发挥幽默本色回应：「啱喇，我冇乜学问吖嘛！」
江欣燕爆胡枫十分着急「长寿癦」
江欣燕又爆出胡枫十分着急面上的「长寿癦」，完全「唔畀掂」，不过胡枫闻言却搞笑摸面澄清谓：「我希望啲靓女掂我，但阮兆祥𠮶啲就唔好掂喇！」胡枫续指长寿癦上的长寿毛十分吉利，更笑言谢贤十分羡慕他有长寿癦，试过忍不住手「监生」掹了一条私人珍藏：「有次《四个小生》去旅行，大家喺度讲紧嘢，佢（谢贤）就喺度摸摸摸，然后掹咗一条，仲要珍而重之咁收埋。」
胡枫「四大曾孙」抢足风头：
相关阅读：友乜唔讲得丨邓兆尊钟情陈彦行慨叹因一原因错过 被踢爆对朋友好过情人 介意另一半贪心
胡枫21岁入行已经担正做男主角
胡枫在21岁入行已经担正做男主角，三位主持夹攻要求胡枫讲出「心目中最靓嘅系边位女明星」，并在阮兆祥的引导下，大爆昔日其中一位好拍档吴君丽的怪习惯，阮兆祥说：「我见吴君丽同你拥抱时起晒杠」，胡枫即说：「唔单止咁，仲批踭添！」说毕更搞笑地还原昔日遭吴君丽推开的画面，胡枫又笑指当时被推后的回应是：「丽姐，我要睇跌打喇！」
