港姐名媛旧爱正式告别《爱回家》 曾为郭富城伴舞因一事转型做演员 曾为追梦揸的士维生
发布时间：19:30 2025-03-21 HKT
TVB处境剧《爱·回家之开心速递》2017年开播至今已经接近2500集，多年来一直深受欢迎，而且更培育了不少艺人，虽然近年有不少演员离巢而「离家」，不过同样有不少新角色加入，无损剧集的叫座力，所以收视和口碑依然高企，吸金力惊人。
《爱回家》「书虫」林浩文宣布离开TVB
曾经在剧中饰演「岛大学生」书虫的林浩文，毕业后曾加入「天才联盟补习社」，可惜又因补习社倒闭而被投闲置散，在幕前消失了迹影，后来更有网民发现他已变的士司机，不过林浩文强调不会放弃追梦，做的士司机可观察人生百态，更有助投入角色，增加人生阅历。昨日（20日）林浩文在IG撰长文终宣布离开TVB。
相关阅读：爱回家丨书虫林浩文戏份大减转行揸的士？曾与富贵港姐冠军拍拖6年终分手
「书虫」林浩文宣布离开TVB：
林浩文在IG贴上TVB外貌的相片并说：「喺系2006年有一位小朋友冇梦想冇目标，只系识得系屋企打机，但一次机缘之下畀佢接触咗舞蹈，当时佢亦都冇谂过要有任何目标，只系纯粹钟意跳舞，但命运就系咁，冥冥中总有安排。佢一直有好多贵人教佢畀机会佢，慢慢喺佢17岁𠮶年，迎来第一次在TVB表演嘅机会，佢拼尽全力去练习，唔想白费呢次机会，而佢嘅努力冇白费到，好顺利咁完成表演，亦带来第二次…第三次…甚至更多机会，而佢不知不觉喺TVB愉快咁渡过3年，喺呢3年亦学习到好多技巧，但与此同时呢3年所学习嘅技巧，原来系为咗将来嘅一个转变，而呢个转变就系要去一个更大舞台，而佢呢次要挑战嘅系有「舞台王者」之称嘅郭富城演唱会。」
林浩文由表演舞台转战电视
林浩文称得到这个机会后，比之前更努力更用心：「亦成功站稳阵脚，开始在演唱会呢个大舞台发光发亮，直到2017年某一日系佢耳边有把声音同佢讲，不如试吓演戏，去报艺员训练班啦。佢相信呢个声音立即填表提交，好幸运地又一次再返TVB呢个大家庭，但今次嘅身份唔再系舞蹈员，而系演员。以前佢以为演戏系一件容易嘅事，入训练班用返以前学过嘅嘢就搞掂啦，但入咗训练班后先发现，原来曾经所学嘅技巧好似全部都用唔到，但又唔系完全用唔到，所以佢不断去跟身边不同嘅人学习，希望能够好似以前咁做每一件事都充满信心挥洒自如，而系呢个过程中佢亦学识唔好自满。」
相关阅读：《爱‧回家》再有演员疑离巢？自爆新身份：我依家系XX师！
邵珮诗离开TVB：
林浩文衷心感激曾经帮助他的人
最后林浩文说：「而不知不觉又已经过咗7年半了，呢7年半亦有好多贵人帮助同畀机会呢位小朋友，而呢位小朋友亦衷心感激曾经帮助过佢嘅人，虽然佢好少挂喺口边，但佢默默记住曾经帮过佢嘅人。命运又一次要佢转变啦！去一个充满问号嘅环境，佢唔知将来会好会坏…但经历过嘅所有嘢都会放在心中，佢好希望有机会再同大家系一个更好嘅时光再相遇。再见TVB，再见我嘅贵人们，我哋江湖见。」
林浩文曾与2014年港姐冠军邵珮诗拍拖
舞蹈员出身的林浩文在2013年加入TVB至今，演出过不少剧集，但被人留下印象的作品不多，最为人记得的除「书虫」外，还经常被指派做礼仪先生，他曾在2021年参加《盛·舞者》，翌年获曾志伟支持，与另外4位训练班出身的艺人程浩骏、郑隽熹、陈俊坚及姚宏远开拍节目《七线人弃王》。林浩文与曾2014年港姐冠军兼「最上镜小姐」邵珮诗拍拖，虽然女友出身豪门，但林浩文坦言不怕闲言闲语，直指拍拖不应该与权力及金钱挂，不过两人已于2022年承认分手，结束6年情，并称已由恋人变成家人。
