「传奇港姐」嫌钱腥拒爱？自爆曾获富商送逾3千万豪宅兼任拣Benz 连介绍人都有6位数
发布时间：19:00 2025-03-16 HKT
96年港姐冠军李珊珊自从2004年拍罢有线剧便绝迹幕，其后曾传出李珊珊患上怪病，直到2017年才承认患上惊恐症，多年煎熬亦影响她身形及容貌有大改变，经过多年努力，今年一月李珊珊终于再现人前，开设Studio创办《 三坐山 Mount Trio》YouTube频道，还罕有地接受传媒访问。
有「史上身材最好的港姐冠军」的李珊珊，曾公开剖白患上惊恐症的经历，指当时要入院治疗，严重时「眼前一黑令人窒息的感觉，觉得系濒死边缘」，她透露发病时会心跳加快、冒冷汗、呼吸困难和肚泻不止。日前李珊珊在商台节目上，除了回应2016年被指因脑瘤家中晕倒，要消防员破门入屋送院的报导外，更自爆曾有富豪以3000万豪宅求爱， 及她拒绝前度求婚的因由。
相关阅读：李珊珊揭与钱嘉乐分手原因 想将百万后冠送往博物馆做集体回忆：唔通放喺棺材咩丨独家
李珊珊神隐多年终宣布复出：
李珊珊首揭被富豪追求经历
李珊珊曾称已维持了单身三年， 但原来入行至三年前，她一直没有停过拍拖：「呢三年就系想自己试下一个人会系点，我18岁开始就好似放题咁无停过（拍拖）。不过喺三年前就开始谂，每次好似都起承转合之后就完，觉得唔会咁易有涟漪情况下，就唔好乱咁嚟。」当年盛传不少富家子、富豪都喜欢追求港姐，问1996年四料港姐冠军的李珊珊有没有经历过，她说：「这是我第一次讲，系有被追求过，但我系要睇同𠮶人夹唔夹到同有无感觉先会开始，我最衰系感觉行先，唔系我就发咗啦！」她首揭被富豪追求的经历，「曾经有人经身边人揾我，想我做佢女朋友，仲话真系做佢女朋友，就送层价值三千几万嘅楼俾我，仲叫我自己去拣架新款Benz，呢个只系开头，𠮶个介绍人都可以收二十万落袋。」问李珊珊为何拒绝金钱诱惑，「我就系觉得好奇怪，呢啲叫男朋友咩？我𠮶阵就同佢讲：『如果我条命整定系有呢旧钱，我都可以系其他方法赚到，唔需要咁样嘅！』咁就拒绝咗对方。」
李珊珊拒谈曾被前度当众求婚
李珊珊曾经有过一段广为人知的轰烈长关系，前度钱嘉乐更在朋友起哄下当众向李珊珊求婚，她说：「𠮶次系开玩笑，系玩唔系真，而家佢幸福我就开心，人哋有咗家庭，唔应该再讲。」被问到往后的关系有没有遇上对方提出求婚，她坦言：「曾经有啲关系讲过咁样，但我觉得我做唔到，所以唔得。」李珊珊亦分享对婚姻的看法：「我好重视承诺，所以唔好害人。因为我唔知道同对方关系可以行到几远，唔想冲动结婚而破坏承诺。我觉得自己感情比较丰富，我亦唔知道日后我系点，咁就唔好结婚去害人。」
李珊珊走出情绪病阴霾：
相关阅读：李珊珊甲流并发肺炎高烧近40度入ICU 留医13天惊闻同病大S噩耗犹有余悸
李珊珊澄清无脑瘤
李珊珊多年来饱受情绪病困扰，连外貌都出现变化，但李珊珊今次复出，坦言已有心理准备面对Haters及批评：「我直头觉得今次见大家系一个解脱嚟㗎，因为大家唔需要再去估，或谂以前我点样、身形系点，今次大家见到我，呢个就系我人生阶段，而家嘅李珊珊就系咁。」连日来李珊珊亦大方谈及多年来的患病经过，对于2016年曾有指李珊珊于家中晕倒需消防员破门入屋，当时更传出她脑生瘤，李珊珊在节目上重申，「我都好想澄清，第一，我无脑瘤；第二，因为我唔想整烂度门，所以每次我要打999𠮶阵，几辛苦都会先开定门等消防员嚟救我。」李珊珊承认2016年前已受惊恐症影响，只是找不着病因，「𠮶阵唔知道系惊恐症，系一旧云唔知发生咩事，但系症状越来越频繁，每次病发都要摊四日，食少少嘢就泻，完全起唔到身，要医院留院。」
李珊珊确诊惊恐症如释重负
未确诊惊恐症前，李珊珊指试过遍寻名医亦找不到病因，「肠胃、心脏科好多科都睇过，最艰难探索咗成一、两年，之后转介咗去精神科专科医生，就得出答案。」被确诊出惊恐症后，李珊珊坦言没不开心，反而是释怀，「当知道答案就好开心，因为之前寻寻觅觅、重复又重复咁，感觉好恐惧，当精神科医生话我知系惊恐症，我真系如释重负！起码而家我每日可以正常操作，唔会令我一出门口就喷射式呕吐。」被问及是否长期食药影响身形，李珊珊则乐观面对：「唔好谂啦，我一定唔系因食药而肥，可以稳定到病情我已经好开心，其他嘢我尽力咗改善唔到，我就接受住先。我甲状腺功能低，系好难做剧烈运动。系难受，因为系永久性，我条气管收窄咗，但无办法我都已经接受咗。」
