70年代小生经历丧妻复出谈圈中乱象！劲弹后辈唔记对白、指挥导演：好巴闭，支旗够大

更新时间：09:00 2025-03-17 HKT
发布时间：09:00 2025-03-17 HKT

73岁的郭锋是70年代电视剧小生代表之一，他成为绿叶王之后仍然代表作不断。郭锋因为结婚40年的太太欧阳佩珊离世，情绪陷入低谷停工多时，早前复出再接拍剧集，在《黑色月光》中饰演演富商「卓昊天」表演受赞赏。近日郭锋与吴浣仪接受「艺进同学会」访问，以前辈身份大谈圈中乱象。

郭锋吴浣仪惊讶演员常迟到

郭锋与吴浣仪批评后辈的行为，直言看不过眼。吴浣仪表示到电视台开工，却发现有不少演员迟到，她说：「嗌极冇人入厂，原来可以迟到㗎咩？𠮶时我哋迟一分钟，真系癫咗咁，畀人闹，King Sir企喺个厂出面。」郭锋表示：「可以话，我哋旧一派嘅都有个坏习惯，早过头。我几差呀！啲坏习惯差到唔恨呀！」

郭锋、吴浣仪大谈圈中乱象？

郭锋斥后辈NG当无事

郭锋指以前拍戏用菲林，如今因器材更先进，演员似乎不再怕NG会影响他人。郭锋表示：「以前NG要成场戏嚟过，唔同而家啲后生㗎，所以而家都唔使读剧本㗎，问『（下句）讲咩呀？』。」吴浣仪亦和应，「跟住话『嚟过』，个演员自己话再嚟过。」郭锋表示现在年代不同，以前整个团队都有实力，但现时只有部份是好演员，他说：「有啲都好嘅，但太后生，人生经验唔够，咁就死喇，佢哋又唔系科班出身，出嚟跟嘅又唔掂，咁死啦，咁拍咩？」吴浣仪认为器材先进了，却令团队更退步，因为台词说不好，可以逐句读再做后期剪接，「咁样对演员都唔好啦！新人嚟讲都冇得畀佢哋练习呀，啲戏点会好呢？」郭锋更斥有后辈演员耍大牌，他分享：「有啲演员可以教返导演添，有啲好巴闭㗎嘛，佢支旗够大呀！『睇Playback啦导演，做乜𠮶度唔拍我呀』，哇……真系厉害。『导演你摆个shot啦，我做多次你睇』，呢啲演员真系犀利。」

相关阅读：郭锋大马现身真实状态令人惊讶金句王被奉为人生导师纷求教一件事

郭锋指欠缺好剧本

郭锋表示艺术圈有很多不平等，他说：「进步系好混乱，根本退步。要知道，戏剧、电视、电影又好，系一个艺术嚟，艺术！记住系艺术！唔系个个喺度嘻嘻哈哈，喜怒哀乐做齐就叫艺术，每部作品都有唔同派别，你先会去欣赏呢样嘢。」郭锋与吴浣仪认为现时香港欠缺好剧本，郭锋表示：「睇完个故仔，但冇味道，有啲剧可能都仲有个中心点喺度，但使唔使咁多集呀？使唔使咁耐呀？所以如果接到一个好剧本呢，好开心！」郭锋指近年他比较欣赏的剧本是《黑色月光》，「两年嚟只系拍咗呢套，好幸运拍到佢。」