夏春秋离世丨夏春秋父爱满泻！吴君如一举动感受有福气 人生最大成就不在工作：系生咗个女
发布时间：12:34 2025-03-12 HKT
有「六合彩之父」之称的夏春秋昨晚（11日）惊传离世，
吴君如和夏春秋的关系很好
吴君如和夏春秋的关系很好，夏春秋早年曾接受汪曼玲主持的有线节目《星级会客室》访问，夏春秋坦承吴君如遗传了其表演因子：「佢由细到大都好孝顺，依家佢有能力，又会主动供养我哋。我觉得自己最大成就唔喺娱乐圈，而系生咗君如。」
相关阅读：夏春秋离世享年93岁 女儿吴君如于社交网公布父亲死讯：我最爱嘅老豆走咗喇
夏春秋离世丨生了女儿吴君如是最大福气：
夏春秋近年甚少现身人前
夏春秋近年甚少现身人前，对上一次露面是2022年的中秋节，当时吴君如曾在社交平台发布影片，片中看到夏春秋和女儿吴君如并肩坐在梳化上拍片，吴君如跟夏春秋说：「今日真系好感恩」，然后夏春秋即时反问为何，吴君如表示：「因为有老窦陪我过中秋节啰，中秋节快乐。」夏春秋亦向网民表示：「中秋节快乐，大家快乐，个个快乐。」当时不少网民都指他面色红润，精神饱满。
相关阅读：吴君如父亲夏春秋离世享年93岁 长年主持获封「六合彩之父」
夏春秋人前人后对女儿赞不绝口
不少网民留言赞二人感情很好，画面充满了温馨，事实上夏春秋在人前人后都对女儿赞不绝口，他曾在《星级会客室》访问上表示谈到女儿吴君如，夏春秋笑说：「佢都话系冬婶个女唔系我个女，我觉得托赖喇，好多时一个艺人嘅成功，都系要睇天时地利人和，再加上自己嘅努力同天份，咪会容易成功。」夏春秋直言女儿在自己眼中又丑、屁股又大：「真系可以摆得一围，就算佢初初拍电影，人哋哋睇到佢背影，成围枱都摆得落，连死鬼黄沾都系咁样话。」
相关阅读：夏春秋离世｜曾因养家淡出娱乐圈 冬叔名字与黄沾有渊源：似「Don't 缩」意头好
结果夏春秋他帮助女儿打开演艺之门：「𠮶阵我喺丽的，好自然帮佢报名丽的训练班，点知冇回音，开班都冇叫我揾，咁咪算喇，跟住三色台开咗训练班，不过已经报晒名，𠮶阵刘芳刚系主任，咪带佢见刘芳刚，𠮶阵佢系同刘嘉同一届，但系之后我都冇再帮佢，完全一啲意见都冇，点样受训同实习都冇问，任由佢自己发挥。」
夏春秋觉得最大成就是生了吴君如
夏春秋还说：「我只系带咗佢行呢条路，其他都系凭佢自己嘅努力，事实上𠮶阵我都冇咁嘅能力，我嘅事业都系喺途中行紧，只有叫佢继续去，而且佢都冇叫过我帮手，我哋两个嘅环境同表达方式都唔同，唔使我帮手。」对于吴君如的演艺路的起跌，夏春秋坦言甚少分享，以免增加他们的负担，相信他们会处理，但直认女儿遗传了其表演欲的因子，更感受到自己很有福气：「君如由细到大都好孝顺，我唔会问佢赚到佢几多钱，亦唔会要求佢畀几多，而家佢有能力，又会主动供养我哋，呢个系佢自细都有呢个心，总之佢过时过节会封大利是畀你，够你一年去使，我非常感到自己嘅福气，我觉得自己最大成就唔喺娱乐圈，而系生咗个女。」
相关阅读：夏春秋离世丨艺人贴合照悼念！「六合彩女神」有幸曾合作 加国之友林嘉华最深刻系呢件事
