方皓玟为内地女游客爆粗轰的士司机 出手代缴付车资：揾食唔系大X晒！
发布时间：18:30 2025-03-04 HKT
44岁的创作女歌手方皓玟（Charmaine）昨日（3日）在IG发文闹爆一名的士司机的卑劣行为，更嬲爆表示：「我睇你唔顺！」事缘方皓玟目击的士司机因内地女游客没现金支付车资，引起的士司机不满而闹爆乘客，最后，方皓玟睇唔过眼帮对方支付。
方皓玟IG炮轰冇品的士司机
方皓玟昨日在IG发文，她写道：「今日帮一位内地女游客俾咗$50的士费。原因系因为她没带现金喺身，个的士司机，不停闹佢，我真系睇唔过眼，人哋已经叫紧朋友攞钱嚟俾佢，叫你等一阵，使唔使擘大喉咙咁闹人，香港人嘅待客之道就系咁样吗？希望真系只得你系咁。如果个个都系咁，呢个城市有点可悲。」
相关阅读：方皓玟开骚露下半球：有得露系好事 感谢周国贤介绍「护喉之宝」
方皓玟发文炮轰的哥：
方皓玟斥的哥心地差
方皓玟续炮轰的士司机「心地差」：「又不是得罪你，只系迟少少畀钱。真的咁大问题吗？我见到就扯火。最激气嘅系，当我行过去畀钱个司机嘅时候，佢问我你系佢朋友咩？点解要帮佢？我就觉得呢个人心地真的很差。我话，我唔系佢朋友，但我睇你唔顺眼。」不少网民大赞方皓玟心地善良，但亦有人持不同立场，指女游客唔抵帮：「确实好好人但系唔可以怪司机啰（点解冇现金要坐的士呢？你有冇谂过）」、「全世界大陪份国家搭的士都系畀现金㗎啦」。对于网民的留言有赞有弹，方皓玟在数小时后再上载一张写著「relax放松」的照片，并写道：「I don't XXXXXXX care.我做咗一件我认为啱嘅事，呢个系我嘅选择，如果你哋觉得唔啱，继续去批评你哋继续留言啦，我冇所谓，随便你，我去瞓觉早唞。bye~」
方皓玟再留言还原事件
事件引起网民热议，方皓玟亦在IG的留言区留言还原事件，「我讲清楚少少当时全个过程，𠮶阵我企咗喺度等车，亲眼见住架的士停车，然后乘客开门，接住就 『立即』听到的士司机好大声系咁闹，而位女士乘客系咁道歉，乘客亦都即刻揾方法，立刻call朋友攞现金，同时亦都听到位女士keep住系咁道歉，亦有同司机大佬讲会畀番多啲车费，但司机大佬继续不断系咁破口大骂。」司机的行为令方皓玟嬲到爆粗，「明白司机大佬要揾食，但个乘客系有礼貌、feel sorry，唔系𠮶种无品嘅旅客，所以𠮶刻嘅反应系过去帮个乘客俾咗钱了事。要揾食我明白，但无礼貌就系无礼貌，一个男人粗口夹杂咁闹一个系咁道歉嘅女乘客，司机大佬心急，可以有好多种方法礼貌啲去处理而唔需要去到咁尽，如果全部人都系用 『揾食』 呢2个字就大X晒，可以咁无礼貌，对女仕咁无风度，少少同理心都唔能够容许，咁香港亦都无得救。点解大家都咁钟意去日本旅行，其中咪就系因为日本人有礼貌。香港依家经济已经够差，大家生活都唔容易，明白司机大哥要揾食，喺艰难嘅环境下，每人行多一步，忍一忍让一让，成个社会气氛好啲，大家有饭开，就系咁简单。」
相关阅读：方皓玟不抗拒爱情 为演唱会操出腹肌
LV为方皓玟提早庆生：
相关阅读：方皓玟演唱会丨5岁儿子Luca激罕撑场 方皓玟自肥请ERROR做嘉宾 赞193有自己风格
方皓玟回应连登仔单亲问题
方皓玟今日更新IG，她贴片分享，「无谂过今时今日我会上连登，方皓玫个Threads都几特别？哈哈哈！」有连登仔留言指方皓文是单亲妈妈压力大？对此，方皓玫笑说：「我压力大？其实我觉得单亲系愉快㗎！最紧要愉快，我都唔明啲人点解要攻击我离婚，香港嚟讲呢，离婚率高达七成，其实三成唔离婚一路到尾先系少数，咁𠮶啲少数嘅人点解要闹我哋呢啲多数嘅人呢？OK，Come on, Be Happy！」方皓玟又被连登仔指她买楼后失常？她又解释说：「买楼之后失常？我未收楼所以未失常！」
有网民误以为麦美恩影射方皓玟
又有网民问她「见过麦美欣戈个未？」其实麦美恩曾经在自己的Threads表示：「风都吹得起 食多啲嘢啦唔该」 ，有网民竟对号入座以为在影射方皓玟，因此方皓玫有怀疑地表示：「食多嘢啦唔该！咦！佢系咪讲紧我？」随后方皓玟用Cam man的电话留言，「你系咪讲紧方皓玟啊？」事后麦美恩迅速回应：「唔系啊。唔系啊。唔系你啊！」而方皓玟亦表示：「麦美恩如果你讲紧我，你同我单声，我会回应你，唔使喺Threads到。」其实麦美恩是港泰混血儿邝玲玲忠粉，经常在Threads与网民谈论邝玲玲，引起误会后，麦美恩亲自回复方皓玟，还请求网民帮忙替她解释，她只是同网民围炉倾邝玲玲与方皓玫无关。」而方皓玟亦回应有厌食症一事：「我食到只积咁，点样厌食症呀！一个人系咪唔可以食极都唔肥呢？我食极唔肥唔系我想㗎嘛，有家族遗传呢家嘢，你无理由针对人哋个genes㗎！」
