蔡少芬婚姻现暗涌？曾因上海疫情封城张晋一举动爆喊：好惨又孤单
发布时间：09:00 2025-03-04 HKT
TVB千禧年代四大花旦之一、「最年轻视后」蔡少芬与老公张晋于2008年结婚，二人密密造人，诞下两女一子，家庭生活看似美满。蔡少芬近日亮相谢宁及兰茜的YouTube频道节目《Happy Women's Club》，大爆与老公张晋近17年的婚姻，曾经现暗涌。
蔡少芬为爱流泪无数次
蔡少芬昨日（3日）的访问中，自爆曾为老公张晋流泪无数次，有一年生日更因为张晋的举动，令她情绪崩溃，在公园内爆喊，蔡少芬坦言当时感觉有老公在身边，却如没有一样，大感委屈。
相关阅读：51岁TVB视后蔡少芬精打细算 北上整平价指甲 珠海山姆狂扫一类产品！
蔡少芬自爆婚姻曾现暗涌？
节目中，谢宁及兰茜问到与老公张晋的相处之道，蔡少芬坦言：「我哋唔系外人睇到咁好嘅，我哋试过有一段时间，我系成日为佢喊嘅。」蔡少芬表示在上海生活两年，因为一度遇上疫情封城，而张晋当时工作忙碌，蔡少芬要独自照顾三个仔女，她说：「我自己又有工作，我好想依赖佢（张晋），但我又唔敢依赖佢，因为佢太忙，因为疫情佢又不能够中间返嚟睇我，佢只能够喺电话视频，都可以喺佢面前喊。」
蔡少芬钟意黐屋企人
蔡少芬续指一个女人，加上离乡别井，会需要有人在身边支持：「𠮶种无形压力，因为我钟意黐屋企人，钟意黐朋友，𠮶吓好似冇亲人喺度，好孤单。」蔡少芬当时等女儿返学，1岁半大的细仔睡著后，便踩单车到附近的公园喊：「好唔开心，好难过，（唔系老公令你唔开心？）佢做唔到啲乜嘢令我唔开心啰。」
蔡少芬被打乱原计划
谈到情绪爆发临界点时，蔡少芬表示：「去到我崩溃𠮶日，就喺我21年定唔知22年生日，我等佢（张晋）返嚟，佢返到嚟病咗，感冒、大病，佢一病就好辛苦。佢要记歌词又要继续开工，佢返嚟几日，咁啱我生日喺度，我早上带咗小朋友出去玩，谂住返嚟（张晋）够瞓喇，我哋就出去睇戏，两公婆食Lunch，夜晚就可以同啲细路仔庆祝我生日。」
蔡少芬觉得自己好惨
怎料张晋瞓到午饭时间，向蔡少芬表示好攰，想在家中食饭，二人之后商量是否外出睇戏，最终有张晋拣选电影：「成个过程佢睇戏，又瞓著，又睇吓，我觉得好似各有各睇，我觉得好惨，突然间好孤单。我当然系谂自己，唔会谂佢病啦！生日大晒吖嘛，我咁耐都唔嗲你，我嗲你一日都唔俾机会我呀？」
相关阅读：蔡少芬二女小学毕业！同校多名人明星二代与张栢芝两子做校友 全年学费逾14万元
蔡少芬为张晋诞下两女一子：
蔡少芬还爆老公张晋睇完戏后自己行在前面，表示好辛苦要返去食药。张晋当时曾问过蔡少芬，她称：「冇嘢！你返去先。我唔想讲嘢，因为我知我一讲嘢，我就知我会喊。」接著张晋跟在老婆身后，蔡少芬走到公园坐下后爆喊：「我觉得咁多日我自己一个，我生日我唔系好多要求啫，我朝早都畀你（张晋）瞓啦！我乜都就晒你啦！睇戏我好似自己一个睇，点解我哋连下午茶饮杯嘢都冇机会，我觉得我好委屈，Sorry我比较自私。」不过蔡少芬有收到老公张晋送戒指作为生日礼物。
张晋向蔡少芬道歉
张晋为安慰蔡少芬：「佢就话唔好咁啦老婆，我真系好辛苦，咁我就爆出嚟，闹佢啰，点解咁样，我以后唔好有要求，冇要求就唔会失望。平时我唔会要求，生日我都唔会要求，以后唔会有要求，你放心。」最终张晋忍不住落泪，蔡少芬形容老公当时表示：「我都系辛苦啫，我知错喇！以后都唔会。」蔡少芬坦言当时可能是自己抑郁，因不少原因所至。
