五索破天荒开名直斥「马先生」 句句有骨闹对方孤寒：依家死人咩？
发布时间：19:05 2025-02-17 HKT
已婚大生银行主席马清铿早前被《东周刊》独家爆出与34岁巨咪网红「五索」钟睿心（Rachel）暗交9年，并诞下4名孩子，事隔一个月，事件似乎无损二人关系 。日前情人节，五索拍片指她的伴侣「马先生」一如以往送花，但却爆男方大「缩水」！
五索称马先生为悭钱提早送花
五索以往在社交网常以「富商A」来称呼马清铿，更曾大爆男方孤寒行为。日前，情人节她就拍片开名称「马先生」的悭钱行径，她表示：「话说情人节，咁马先生每年都会送花俾我，然后我每年都叫佢唔好再送玫瑰花，但每年呢，佢都一定会订99支玫瑰嘅，仲喺同一个网站度订；但系今次我早收到扎花，喺2月13日已经收到，我第一时间谂，我知道发生咩事，因为2月13号送，应该会比较平，正日送一定贵啲㗎嘛！」在旁揸车的裕美即笑言：「咁唔怪得阿作（林作) 13号同我去食饭。」五索即笑指马先生与林作是同一类人。
相关阅读：肥妈经历痛恨「小三」 嘲讽五索：人格唔系人人有 传授留住老公绝密心得丨独家
邓兆尊就五索事件疯狂爆料：
五索续投诉：「咁都算啦，你早一日送我当你揿错咗，之后佢今年仲要无啦啦减量，由99支变咗60支，都算啦，中间系有一扎白玫瑰，大佬而家死人咩？你送白玫瑰做乜嘢呀？咁我就觉得『哗！你真系浪漫』，可能佢送到最后尾会逐步减啰，减到剩返一朵玫瑰花。」不过五索就在短片下补镬写道：「直男的浪漫，都好过唔送。」
五索疑似Cut马先生线
另外，五索曾大爆马清铿「管得好严」，直指他「长期一个钟就打一次电话嚟，不过我唔知佢为乜事打电话畀我，我多数cut佢线。」昨日（16日）五索再孖好姊妹裕美到九龙城味尝一间著名沙嗲牛肉火锅店， 五索一路食一路「弹」，更拍片留言写道：「网上有无限无尽的好好广告是关于这间餐厅。果然有钱系可以掩盖事实。」而在食食吓期间，五索电话响起，她立即表示：「夺命追魂call又来啦」，她拎起电话说：「喂」不过未有透露内容，然后就「拜拜」，但未知打来的是否马先生。
相关阅读：林作支持富商养小三可冇责任即撇 遭五索出手掌掴 自爆为小朋友已搬屋9次
「小三」五索疑与马清铿出席富豪活动：
