东张西望丨60岁老妇堕入爱情诈骗陷阱！被年轻男用一亲密称呼攻陷 亡夫500万养老金烟消云散
发布时间：22:45 2025-02-14 HKT
虽然网上情缘骗案不时发生，骗徒不单以甜言蜜语展开追求，令受害人稍有不慎堕入骗局，甚至又出动情绵绵情况，利用「语言伪术」攻陷一颗寂寞的心。
年过六十的Cindy被甜言蜜语偷心又偷金
今晚（14日）播出的《东张西望》，有一个年过六十的Cindy接获一名自称来自台湾男子的「白撞」短讯，最终堕入爱情诈骗陷阱。该名男子透过精心设计的照片、密集式的嘘寒问暖短讯、甜言蜜语及频繁关怀逐步赢得Cindy的信任，结果Cindy被偷心和偷金。
相关阅读：东张西望丨25岁泳会教练公开性爱片事件大逆转？爆出匿名神秘人 女苦主疑因事件被退学
东张西望丨60岁老妇因一个电话改写生活 part I：
年过六十的女士Cindy与丈夫结婚多年并育有一对仔女，不过丈夫多年前因病离世，一对仔女亦已经成家立室，成间屋只得她一人，想不到因为一个电话，几乎改写她的平淡生活。Cindy称在10月初接到一个whatsApp讯息，声称要找一个同学，最初Cindy未有太大戒心，以为对方只不过一时大意：「佢话好抱歉，set错我个话电话，然后佢就会自我介绍，佢系台湾人，叫Chris，41岁。」
Chris展开贴心讯息攻陷Cindy
其后Chris展开连串的贴心讯息，最终经过一轮狂轰后，Cindy心理防线终于失守，「第二日佢又发讯息畀我，佢问我系咪香港本地人，我话我系呀，跟住问我香港有乜好玩同好食嘅地方，过咗一、二日，佢就话自己返咗台湾，然后发咗张喺飞机上面嘅相畀我，话好抱歉，因为约咗个客，星期六要见个客，然后要赶返台湾，本嚟好想喺香港请我食饭，话我系好优秀嘅姐姐。」
Cindy竟变成每日的期待兼习惯
结果这个唐突的讯息竟变成每日的期待兼习惯，Cindy说：「佢朝早会同我讲早安，食咗早餐未呀，然后话自己会去食早餐然后返公司，就系倾呢几句。到中午嘅时候，有时又问我有冇食午餐，都系呢啲普通嘢，到咗夜晚有时又会问我食咗晚餐未，佢会好关心我，好似好到位。然后佢又会下厨煮下餸，佢做乜嘢都会同我汇报，一日都会嘘寒问暖，成日都会发讯息同我倾偈，我觉得佢唔似坏人，冇觉得佢有吸引力。」
Chris加插图像效果相得益彰
Cindy被问是否想交个朋友，她说：「𠮶时个心其实又冇谂乜嘢，亦都冇block到佢。」过了不久Chris加插图像，效果果然相得益彰：「成日都有啲相畀我，等我会记得佢，印象深刻，我睇到佢张相，都ok㗎，系有活力嘅后生仔，我自己可能都睇好佢，所以落咗叠，佢行动性好强，仲好精明人。」Cindy直认由睇相「冇感觉」慢慢变作有好感。Chris再要求Cindy发一张相给他：「我咪话有乜好睇，我系老太婆，你揾啲后生女倾喇。」
相关阅读：东张西望丨泳会教练C先生被指公开性爱片 同行指控与家长搞暧昧兼涉毒列「四宗罪」
东张西望丨60岁老妇因一个电话改写生活 part II：
Cindy因为一个亲密称号而屈服
结果Chris再将行动升级，Cindy说：「佢话钟意同啲成熟嘅人倾偈，阅历多。」Cindy亦发了一张相给对方：「佢话好想满足下，畀咗张相之后，我觉得佢对我有啲牵挂，最多系讲『爱你』，不过冇讲其他，但系知道佢个心好挂住我，我同佢讲忐忑不安，点知佢话情感爆发系控制唔到，想妳都系错咩？」最后Cindy因为一个亲密称号而屈服：「佢叫我做宝贝、老婆𠮶啲，系佢逼我叫，佢挂到我个心好烦，佢话叫咗我做老婆，个心唔使挂得咁紧。」
Cindy坚称对对方是没有意思
Cindy坚称对对方是没有意思：「我话钟意佢做干儿子（契仔），我做佢干娘。」不过Cindy的芳心在短短的一个月被攻破，继而向钱「埋首」，Chris声称自己有网店，由诱导Cindy点击假网站连结开设账户，再藉「店主发货需先支付费用」为理由，要求事主多次转账：「最初我都有问呢个平台嘅来历，佢话系喺韩国卖时装，家庭用品。跟住佢会提供个银行号码叫我入钱，最后又叫我大流量，第一晚系三万，隔一日又转五万，到第三日入咗20万，我就问佢点解唔系公司名，佢就话人哋生意咁多，咁人多入钱惊混乱，仲限我30分钟要入钱，如果额大要分开几个户口。」
相关阅读：东张西望｜港妇买内地楼疑遭诈骗！指控香港老牌歌手大力推销：佢拍晒片话个楼盘好！
Cindy在不足一个月用了近500万入货
最后在不足一个月时间，Cindy用了近500万入货：「平台结算返有125万美金，我话而家完咗要拎钱，佢就拖咗我两日，叫我问平台，平台就话我有啲单迟咗，要我畀毁约金480万港币。」Cindy转账时，银行职员和警方都曾致电给她：「佢哋话我入啲钱应该系入咗诈骗集团，但系𠮶二日又唔得闲同佢哋倾，我都有畀个女睇，佢就话𠮶啲电邮同地址都系，我个女话最紧要叫佢畀商业登记，但系佢一路都拖住冇畀。」经过计算后，Cindy将亡夫留给她的500万养老金烟消云散：「屋企人系知，我个仔知道我做呢个平台，仲话第一时间去报警，我而家都未有打算，睇吓警察会唔会帮我攞。」《东张》亦曾联络Chris，当然是联络不上，Cindy说：「如果佢问我还钱，我叫佢嚟香港揾我，我想佢坐监。」
