43岁TVB男星严寒下挑战半马！左脚患一病医极唔好令人担心：个个叫我放弃

更新时间：17:30 2025-02-08 HKT
发布时间：17:30 2025-02-08 HKT

现年43岁的黄建东早前凭《福禄寿训练学院》再次冒起，最近黄建东现身城大出席「全港创意公关大赛2024」，分享创作及「扮嘢」心得，身为「比赛控」的他曾参与《香港先生选举》、《全能司仪大赛》、《福禄寿训练学院》多项比赛。渣打香港马拉松2025明天就举行，黄建东今日更新IG，公布自己原来亦有报名，更挑战难度极高的半马。他透露自己原来近年患有足底筋膜炎，于近乎零操练、明天早上香港仅得9度的严寒情况下，惹来不少朋友担心他明天的健康状况。

黄建东见减肥成功挑战半马

黄建东今日下午更新IG，他表示：「一直犹豫挣扎紧好唔好宣布，但系明天就系喇，终于要话俾大家知，我听日参加咗人生第一个渣打马拉松半马。好多人问我做乜唔先试10K ？其实唔记得咗系2013定2014 ，𠮶阵时已经跟TVB大队报咗10K ，当年完成时间系大约1小时7分钟。个心之后一直都好想试半马，结果上年因为瘦咗30磅，又一直有做开运动，见系时候可以push自己就胆粗粗报咗渣马2025半马，点知第一round就入到围。」

黄建东脚患未愈竟挑战半马：

黄建东因减肥伤脚

黄建东再补充：「其实九月头已经想开始练跑，但系因为旧年丧减肥丧踩机𠮶阵整亲咗只脚，左脚脚踭有足底筋膜炎，严重嘅时候连行步路都好痛。试过痛症试过中医针灸试过打冲击波中西合璧，但系好似点样医只脚都好唔番。佢哋都话你只脚咁样唔好练住，所以一直都唔敢full out训练，明明身边有好多跑手好友可以帮我。」

黄建东左脚脚踭患足底筋膜炎

黄建东的身体状况不佳但仍挑战半马，令身边不少朋友担心：「跟住当我话俾人知我报咗半马嘅时候，好多人叫我放弃唔好跑，又或者改跑10K，但系其实报咗就唔可以改。我有段时间个心都谂住打定输数，因为一直都冇得练跑，但系心底知道其实好想挑战自己，好想克服呢个半马，系我一个小小嘅bucket list item之一。我唔想输俾足底筋膜炎，我要战胜佢！唔可以影响到我嘅 2025 To Do List！前几日终极训练，两小时内最多都系跑咗14K，已经系人生跑最长嘅里数。Anyway听朝 8:40am，我系渣打香港马拉松半马拉松三组 -G1728 嘅 Wong Kin Tung。我嘅目标只需喺3小时内顺利完成跑完半马就系当赢！」

黄建东中西合璧治疗双腿

黄建东更上载数张照片，看见他拿着渣马比赛物品，证明是本届渣马的参赛者之一，另外他更Po上6张正在治疗双脚的照片，看到医师将各式各样的治疗器材施于黄建东的脚上，他更显出一副痛楚的表情。另外亦有他临急抱佛脚终于练跑的照片，看到他心情畅快，准备好接受挑战。半马距离总长 21.0975 公里，一般非职业跑手，或需3至4小时才能跑完。