「御用青楼女子」文凯玲家中一成员走佬惹恐慌！黑底白字长文求救：我可以点算好？
发布时间：21:30 2025-02-07 HKT
「御用青楼女子」42岁文凯玲（Connie）去年3月与拍拖五年的IT才俊外籍老公Jason结婚，同年7月晒出BB手仔照片宣布囡囡IYLA出世，一家三口生活得十分幸福。昨日（6日），文凯玲在IG story中以黑底白字写下长文，大爆工人姐姐要求辞职即刻返菲律宾，更突然执晒所有行李走佬，让她感到相当愕然。
文凯玲家中一成员突执包袱走佬
昨日（6日），文凯玲在IG story中大爆工人姐姐突然执晒所有行李要求辞职返菲律宾，她以黑底白字写下长文：「今朝早工人姐姐突然话辞职唔做，想即刻返菲律宾！其实佢已经唔系第一次讲话唔做，又话同老公闹交，又话挂住啲仔女，但系之前佢好快就后悔话佢只系乱咁噏所以今次我哋应承咗佢俾佢执嘢走。帮佢准备埋辞职信，话埋俾佢知我哋同意佢即刻走，唔使一个月通知，亦都唔使赔一个月钱俾我哋。但系佢话唔想即刻签，想去当时请佢𠮶间中介公司度处理剩低嘅手续，我哋同中介沟通咗，佢都话冇问题，可以交俾佢哋处理。」
相关阅读：「御用青楼女子」文凯玲遇交通意外 与6个月大女儿同车吓破胆
文凯玲黑底白字写长文求救：
文凯玲工人姐姐「著草」？
文凯玲续说：「结果个工人姐姐执晒所有嘢离开咗我屋企，然后佢今日冇去到个中介公司，夜晚我发讯息提醒佢，听日记得去中介公司处理手续同埋收钱，结果佢覆返我话佢唔去！唔通佢连钱同机票都唔要？而家我可以点算好？」文凯玲字里行间充满著无助和焦虑。对此，不少网民为工人姐姐的一番举动大感不解，有人猜测工人姐姐可能只是因家中有急事需要即刻返菲律宾，又有人指工人姐姐可能偷走文凯玲家中物品或找到条件优厚的「下家」才心急「着草」。
相关阅读：「御用青楼女子」文凯玲初生萌B专注饮奶被偷拍 握紧拳头怒啤镜头表不满？
文凯玲入行逾10年：
文凯玲升级人母后专心照顾家庭
文凯玲于去年3月与外籍男友Jason结婚，并于7月初诞下爱女IYLA，升级人母后的文凯玲便专心照顾家庭，陪伴女儿。文凯玲最新的一部TVB剧集已是去年播出的《状王之王》，当中她饰演蜘蛛精杀人案的幕后真凶叶三娘，在公堂上除衫露出疤痕一幕加上阴险毒辣的表情，精湛演技备受网民认可，大赞她将杀手角色诠释得似模似样。
