大S逝世丨七仙羽分析徐熙媛骨灰放家中争议！「慈母多败儿」论不利往生者 将思念变一事：令佢离开苦难

台湾女星大S（徐熙媛）在农历新年期间赴日旅游，因流感并发肺炎不幸于2日病逝，终年48岁。大S的遗体在日本火化后，骨灰在老公具俊晔陪伴下回家。小S曾透过经纪人表示不会举办告别式，并有传「大S的骨灰坛将会永远放在家中」。

先人骨灰坛放在家中有不少谜思

对于先人的骨灰坛永远放在家中，坊间都有不少谜思，有人难舍挚亲的离去，所以将骨灰坛永久放在家中，不单每天都看见，而且有空可以说说话。但同样有人觉得始终是阴阳相隔，传统的作法是阴阳分开，让先人往生静土，早登极乐。《星岛头条》找来七仙羽师傅分析事件。

相关阅读：大S徐熙媛逝世｜大S骨灰放家中原因曝光 小S情况令人担忧 好友因一事感难过

大S逝世丨七仙羽师傅分析大S徐熙媛骨灰永留家中：

大S徐熙媛一语成谶小S徐熙娣崩溃痛哭

大S徐熙媛和小S徐熙娣两人在1994年以组合「S.O.S」出道，两姊妹一路扶持成长，不单最亲密的事业伙伴，而且更是彼此生命中最重要的家人。小S曾说过自己最在乎和爱的人就是大S，怀疑两人前世是情人或夫妻，而在大S眼中，妹妹是完美女人的典范，有著无比的勇气闯出自己的一片天，大S生前亦曾透露，与妹妹有约定，希望妹妹能陪伴自己走完人生最后一程，「每一天都当成最后一天来过，我跟我妹妹两个的关系，就是不管怎么样，她（要）知道我人生最后的那前几分钟在干嘛。」想不到当年大S的说话竟一语成谶，在大S临终前，小S全程陪姊姊走完人生最后一刻，当场情绪崩溃瘫软痛哭，有指小S面对突如其来的噩耗，完全没办法接受，除了在医院哭瘫，「连日来只要一讲到大S就是以泪洗面，甚么话都讲不出来」，连节目《小姐不熙娣》的停工，暂由吴珊儒顶替。

七师傅不赞成大S骨灰安放家中

正因为此，有传小S决定将「大S的骨灰坛将会永远放在家中」，因为小S想要每天可以看到姊姊，有空可以跟姊姊说说话，并希望大S不要孤伶伶的被放在灵骨塔里。消息传出后，坊间惹来不少回响，《星岛头条》找来七仙羽师傅分析事件，七师傅说：「唔赞成咁样做， 因为当一个人去世之后，佢嘅骨灰一定要摆喺骨灰庵或者寺庙供奉先人嘅地方，因为先人过咗身，佢已经系属于阴，如果阳人居住嘅地方系阳气嘅地方，阴阳摆埋喺一齐嘅话，会造成阳宅居住嘅人身体会慢慢唔好同变差。你谂吓，佢长期见到骨灰喺𠮶度，死者嘅物件长期喺间屋入面，都会令到生嘅人经常会勾起一啲伤感， 都会影响磁场，长期嚟讲对情绪同心情都会有影响。」七师傅还说：「仲有对于往生嘅人嚟讲，因为佢好很怀念家庭，好执著亦好难放得低， 所以都会影响佢往生。点解一个人往生嘅时候，尽量唔好哭哭啼啼，尽量唔好畀佢太多嘅留恋、太多嘅挂念， 因为越系咁样嘅话，佢系越唔舍得走， 唔舍得走嘅话，佢往生𠮶段期间最关键嘅49天之内，要超渡佢，令佢放低执著，佢先容易去到天界。因为49天之内，如果家人成日哭哭啼啼，太过于挂念，对于先人嚟讲佢就放唔低，佢放唔低就唔舍得走，将骨灰摆喺屋企，他更加唔舍得，所以对于先人、对于而家居住嘅阳人都唔好，我哋唔会话『生勾勾』嘅人住喺墓场或者坟墓入面。」

七师傅提议将思念变成一个行动

假如真的很挂念先人，七师傅觉得可以将思念变成一个行动：「我哋可以帮佢做多啲法事，念多啲经，做多啲善事，将功德回报畀佢，等佢可以容易啲去往生极乐世界，你唔可以挂住佢揽住日日喊，咁做对大家都唔好。等于点解人哋成日话慈母多败儿，就系因为慈母唔舍个仔经历任何苦难同风波，唔舍得个仔咁辛苦， 日日都很纵惯个仔，任何困难都唔可以畀个仔接受，要小朋友样样嘢都要顺风顺水，结果慈母多败儿。等于人都是有感情，我哋要将对死者嘅挂念变成一个行动，变成一个功德。想为佢好，要念多啲经，揾多啲师傅帮佢做超渡， 祝福快啲去往生极乐世界， 令佢离开呢个苦难。」

相关阅读：大S逝世丨徐熙媛经理人现身！列汪小菲母子造谣五点轰人性丑陋 力挺具俊晔护妻

大S汪小菲爱恨交缠： 

七师傅称人死后的四十九天最为关键

七师傅称人死后的四十九天是很关键：「如果你太执著，佢离开唔到呢个人世间，佢好容易上唔到天界，上唔到天界之后，再超渡系非常难，因为四十九天之内系最容易上天界，所以建议真系要将佢嘅骨灰摆喺寺庙，其实好容易，如果你挂念佢，可以去寺庙探望他，亦可以摆喺有骨灰庵嘅地方。」虽然大S的一对仔女尚小，但七师傅称他们亦可回报妈妈的养育之恩：「小朋友都可以用小朋友嘅名义帮妈咪点灯，帮妈妈去寺庙供香、供灯同做法事，其实用小朋友的名义帮妈妈做功德，都系一个孝顺。甚至全家人都可以用自己嘅名义，帮大S做啲功德，写多啲祝福嘅话，回向畀大S，等佢快啲去极落世界。」。

七师傅称告别式应该要搞

与此同时，有指小S不会为大S办告别式，问到七师傅这做法是否罕见？她说：「呢啲要视乎佢屋企嘅意愿，但系应该要搞，点解呢？因为好多人都唔知道，因为我本身修密宗，长期喺印度尼泊尔修炼，我哋帮人超渡𠮶阵，最主要系摆大头相、摆筷子同碗、 摆香，点解要摆呢？因为当个先人嚟到超渡现场，佢先会怀疑点解自己系咪死咗，加上和尚念经，佢先知原来系死咗，佢先会去极乐世界，唔会再留恋同执着，佢先会跟菩萨走，呢个理论好多人都唔知道，因为好多时候人死咗，唔知道自己死咗，仲会喺𠮶度游嚟游去，所以点解要搞丧礼，就系要提醒佢已经死咗。可能佢哋觉得好辛苦，突然间有家人过世，觉得要搞咁多嘢，又要应付传媒同粉丝，可能会觉得好辛苦同很疲累，呢个都理解。但系如果佢哋唔喺公众地方搞，喺屋企都要摆黑白相、摆碗、摆筷子、摆一支香，跟著每日都要播大悲咒同往生咒，要 24小时不停播，最少都要49天，49天之后可以去寺庙，又或者揾啲师傅，问一问大S去咗边度，如果佢已经往生正途走咗，就唔使再摆大头相，但如果佢仲未走，要继续播放。」

相关阅读：大S徐熙媛逝世｜具俊晔大S猝逝终现身！ 直斥汪小菲淋雨扮凄凉 遗产全给熙媛的妈妈

七师傅称要争取时间超渡到大S

至于近日S家与汪小菲爆发的连串是非，会否因为大S入土为安而平息？七师傅则说：「咁多是是非非，绝对大S放唔低，因为佢而家头七期间都会返屋企，睇吓屋企人会做啲乜嘢，因为佢啱啱往生，一啲都唔知自己死咗。好似发紧梦，如果佢见到屋企为呢啲是非吵吵闹闹，佢都会好烦恼。当佢烦恼就放唔低，一执着就唔会走，为咗大S快啲去极乐世界，屋企人应该发悲愤为力量，将其他是是非非摆埋一边，争取时间喺四十九天之内超渡到大S，呢啲系最正经嘅事情，花边新闻绯闻放埋一边，要分清楚乜嘢系主要嘅事，乜嘢系次要嘅事，而家新闻唔好理，回应记者唔好理，唔好搞呢啲无谓嘅事。」