黎彼得再度炮轰伍仲衡犯众憎！直认两人绝对陌生 因一事轰对方：自己知自己过去嘅事
发布时间：15:12 2025-01-24 HKT
有「鬼马填词人」之称的74岁黎彼得（Peter）近年为YouTuber，他不时其YouTube节目《玖噏秘笈》连珠炮发圈中事，早前狂轰伍仲衡绝非如顾嘉𪸩这种殿级人物，甚至批评他在《中年好声音》担任评审时的风格，又称对方不戴耳机扮型，「根本就自己屎忽鬼，扮晒老虎鱼虾蟹，讲埋啲嘢语无论次」。
黎彼得依然寸嘴轰伍仲衡
事件在网上惹来不少回响，黎彼得昨日又再在频道拍片，虽然黎彼得称回应网民意见要静思己过，不过最后依然寸嘴：「我同伍公子完全点头之交都冇，绝对系陌生，但系你同一个陌生人竟然会插得佢咁紧要，呢件事好简单，因为佢宁犯天条，莫犯众憎。」
相关阅读：黎彼得突点名MIRROR连珠炮发：都唔系歌星嚟 三字形容伍仲衡狂焫火头
黎彼得继续寸爆伍仲衡？
黎彼得直认与伍仲衡绝对是陌生
昨日黎彼得在自家YouTube频道上载了一段新片，继续寸爆伍仲衡，他说：「首先我要表态，因为各大报章讲到我同伍仲衡啲些恩怨，其实边度有，我同伍公子完全点头之交都冇，绝对系陌生，但系你同一个陌生人竟然会插得佢咁紧要，呢件事好简单，因为佢宁犯天条，莫犯众憎。呢个伍仲衡做嘢我唔抵得颈，不过我自己都有缺点，即是一只手指对住人，三只手指对住自己，所以我成日都怪自己，唔应该咁样指责人。」
相关阅读：黎彼得剖白与许冠杰恩怨！对「歌神」得呢种感觉 罕谈与许太关系：畀人摆咗我上枱！
黎彼得叫大家畀条路伍仲衡行
黎彼得续说：「不过冇办法，过去已成过去，我又想太过针对佢，因为佢都罪不至死，尤其系罪不及妻儿，既然呢件事已成过去，我喺呢度专登表态，因为有十几二十个频道都有提及我呢件事，我觉得好感激佢哋，关心我就好感谢，我系好安慰。」对于后续的事情，黎彼得坦言想表态：「我既然对伍公仲衡完全冇关系，就唔好搞到人哋好似完全冇嘢捞，畀条路人哋行喇，啱唔啱呀？」
相关阅读：中年好声音3丨伍仲衡要人「供奉」？亲回听歌唔戴耳机之谜：可能戴咗塞住耳仔舒服晒
伍仲衡回应听参赛者唱歌不戴耳机的原因？
黎彼得叫伍仲衡畀心机做人
黎彼得得悉伍仲衡夫妇去了欧洲散心后说：「咁都好，衰嘅嘢抹咗佢，人生唔如意嘅事十常八九，唔需要嘅伍公子，人人都有错的，不过算数喇，黎生唔啱，可能责怪错你。不过想送两句说话畀你，第一句就是『静坐常思己过，闲谈莫论人非』不过我改咗一个字，就系静坐常思就唔系常思己过，而系常思改过， 知道吗。要改过，积极啲，要将以前做过嘅嘢，抹咗佢重新开始，重新出发，冇所谓嘅。闲谈要论说人非，点解要说人非呢？呢啲人又唔明白，乜嘢叫人事人是？就唔好话对事不对人，应该系对人不对事，点解呢？因为所有错事、所有坏事都系人为，你睇好多新闻就知道，全部都系人为，唔系天灾，所以要明白，好多时对事不对人系错，应该系对人不对事，所以以后呢两句要改，『静坐常思改过、闲谈要论人非』，人系有好多非，包括自己，自己都系人，希望伍公仲衡记住我讲嘅，记住呢两句话，我改咗喇，以后畀心机努力做人，冇没所谓，自己知自己过去嘅事，抹咗佢。」
黎彼得在YouYube频道上狂踩伍仲衡
伍仲衡去年12月疑因截糊与洪心怡签约而遭TVB「炒鱿」，叫停歌唱真人骚《中年好声音3》评判工作，其后黎彼得在YouYube频道上狂踩伍仲衡：「你咩料呀？又唔系Manage过咩好嘅Artist，本身唔系经理人，你太太又话好多Connection，即系点呀？你系陈淑芬呀？你唔系吖嘛。」黎彼得又称不知伍仲衡出身，也不觉他有任何业绩，绝非如顾嘉𪸩这种殿级人物，甚至批评他在《中年好声音》担任评审时的风格，「你就自卑变咗自大，以为自己哗，你冇我呢盏灯你就冇机会得冠军」，又称对方不戴耳机扮型，「根本就自己屎忽鬼，扮晒老虎鱼虾蟹，讲埋啲嘢语无论次」。
