古天乐旗下群星新春团拜！陈颖欣密谋海外婚礼蔡明思诞第二胎后复出即𢱑做姊妹

更新时间：21:25 2025-01-23 HKT
发布时间：21:25 2025-01-23 HKT

古天乐旗下公司One Cool Jam Cast和Jam Cast一众艺人，余香凝、廖子妤、陈颖欣（Yanny）、林千渟、麦子乐、徐颕堃、余洁滢、许月湘、李玗蓁、蔡子轩，连同蔡明思（Jessica）、吴嘉禧、李月儿、林嘉宏、刘志伟、林芝羽、屈咏仪、杨雅淇，趁即将踏入蛇年，提早举行新春团拜。蛇年可谓喜事重重，除有蔡明思重返公司及顺利诞第二胎外，陈颖欣亦将于蛇年跟拍拖近八年的音乐人男友陈考威拉埋天窗，可喜可贺。

陈颖欣最后一年𢭃利是

早前叱咤颁奖礼上，陈考威在颁奖台宣布年内与女友Yanny陈颖欣结婚，荣升准人妻的陈颖欣在蛇年最后一次以「女朋友」身份过新春。对此陈颖欣笑言：「虽然最后一年𢭃利是，但都唔会好搏命𢭃，因为我派一定比𢭃到嘅多，新年我会出发到北海道旅行。」

提到婚礼筹备进展？陈颖欣指希望在2026年初举行，因暂时仍有工作在身：「婚礼希望尽量得闲啲先搞，同埋唔想喺好热同雨季度搞。本身个婚礼想去日本举行，但传闻有啲天灾，唔想到时宾客同自己会担心，所以可能会转地方，而家仲物色紧边度有舒服、安全又有啲好回忆嘅地方。」

古天乐旗下公司艺人新春团拜：

男友无预警宣布感压力

对于男友在叱咤颁奖礼上无预警宣布婚讯，陈颖欣表示：「佢唔系一个甜蜜嘅人，佢好木讷，我知佢如果得奖，佢话会多谢我，我仲谂佢唔会讲呢样嘢（指结婚），佢几怕丑。叱咤真系好多人睇，𠮶晚好多人Message同打电话畀我，但我系一个比较低调嘅人，𠮶刻好大压力，第二日收拾心情先再覆。」

问到可有为成为人妻而做准备？陈颖欣笑指不需要：「其实婚后生活冇乜分别，不嬲都一齐住，我只系多咗个称呼，但我自己听到家姐叫姐夫做老公，或姐夫叫家姐做老婆，感觉好奇怪，因为太亲暱，我谂我同佢要一段时间先消化呢个称号。」至于婚后，陈颖欣表示会继续幕前工作，暂时没有生B计划。

蔡明思第二胎陀得辛苦

至于刚签约重返Jam Cast大家庭的蔡明思，日前顺利诞第二胎，不过她表示其实今胎比上胎陀得辛苦：「见到自己身体变化，可能好肥，今胎我成日都好肚饿，好惊自己再食落去，一发不可收拾。第一胎冇经验，事事觉得新奇，但陀第二胎，要凑住大女，好吃力。」蔡明思指坐月后将全面复出。提到好姊妹陈颖欣将结婚，她开心之余还自荐做婚礼姊妹，蔡明思又表示不会传授夫妻之道：「每个人都有佢哋自己相处之道，Yanny同陈考威有佢哋嘅相处方式，仲相处得好好。」

余香凝兼顾家庭工作

此外，余香凝、廖子妤在龙年过得十分充实，余香凝勇夺「影后」奖项，得到的认同也成为她的动力：「尝试演出剧集《麻甩妈咪》，会展现大家未见过嘅我畀大家睇，希望大家喜欢；而今年我又试咗去台湾拍戏，各方面都好满意；嚟紧蛇年，希望自己可以多啲突破，兼顾家庭同工作外，仲揾到自己嘅时间做自己钟意嘅事嘢，好好对待自己。」