马清铿疑曾与小三五索出富二代婚宴惹仇富问题 因一事狂赞「富商A」年纪大仲好劲
发布时间：13:10 2025-01-19 HKT
马清铿／马清铿太太／钟睿心／五索｜已婚有太太的大生银行主席马清铿早前被《东周刊》独家爆出与巨咪网红小三「五索」钟睿心（Rachel）暗交9年，甚至更被指为马清铿诞下四名孩子，其后五索接受《东周刊》独家专访，自豪地表示因为样靓身材正，九年前出席富豪饭局，第一次跟马生见面，从此改写了她的命运。
五索透露曾出席城中富二代结婚
五索被指多年来极受宠幸，因为好生养的关系，不单获源源不绝地送钱、送楼和送车，甚至疑与马清铿出席富豪界的活动！去年12月10日郑家纯𡥧仔郑志亮（Christopher）结婚，在家族旗下的瑰丽酒店（Rosewood）举办婚礼，城中高官富商个个畀面出席，马清铿疑与「小三」五索出席婚宴，五索翌日在IG拍片透露自己亦有份出席城中富二代结婚。
相关阅读：马清铿小三「五索」三度食言！因一事竟然爆喊 黄心颖惨被拖落水：已经变咗啦？
「小三」五索疑与马清铿出席富豪活动：
五索在郑志亮结婚翌日谈及仇富问题
郑家纯𡥧仔郑志亮结婚翌日，五索在IG谈及香港人「仇富」问题，「㖊日呢就系一个城中富二代结婚，成个尖沙咀嘅交通都沦陷咗啊，呢个时候我只可以离两条街嘅地方落车，行过去Rosewood。喺街度有一个中年男人异常地激动，『𪠳，有钱人大晒啊？结婚做乜阻Q住晒呀！』我话畀你听，有钱人真系唔系大晒，九成九啦，至少佢结婚会令到成个尖沙咀沦陷咗啦，你结婚唔会啰，冇人知啰。」五索更嚣张地说：「你好似我咁呀嘛，遇到所有有钱人你都擦鞋，越有钱越擦，十倍、廿倍、卅倍咁擦上去，有一日，有一日你终会擦到自己变成有钱人。你唔钟意有钱人代表咩？代表你唔钟意钱呀，你应该视佢为学习对象，学我喇，只有擦鞋先帮到你㗎咋，真系唔好再仇富啦，香港人，所以点解香港咁多穷人呢？太仇富啦真系。」
相关阅读：《东周刊》独家专访马清铿小三「五索」 自爆真空姣擒大生银行主席：成枱有钱佬𥄫实我
五索多次分享与「富商A」的相处轶事
五索过往多次在IG分享与「富商A」的相处轶事，五索表示纵然自己煮嘢难食、唱歌走音、化妆化衰了，仍获「富商A」激赞，令自己慢慢建立自信：「佢系冇一秒批评我，从来都冇，呢样嘢系几多钱都买唔到，不过钱都系最重要！」五索曾分享过一段「富商A」自信爆棚的故事：「喺富豪界入面，因为佢而家都做得我阿爸嘅关系，佢个样都唔会特别靓仔啦，都ok啦，但又唔系核突到呕𠮶啲啦，即系唔系啲大肥佬嘅有钱佬啦。有一次经过啲租船嘅船，上面有一堆MK仔㖞，咁成班MK仔系用一个非常讽刺同寸嘅语气去讲反话喺度赞佢，『Woo好型啊』即系成班喺度笑，狂笑耻笑咁样啦。呢个时候富商A好认真咁回应咗佢一句，一秒都唔使，『吓，系咪真架，你都好型啊！』呢个时候佢一秒钟KO晒成班MK仔，佢劲呀真系，佢啲自信我真系，唔知喺边度嚟。」
小三五索认爱钱甘做小三：
相关阅读：小三「五索」传为马清铿五年抱四！曾高调晒富商A陪囡囡读书 山顶豪宅媲美游乐场
五索赞富商A有钱又有自信
五索续说：「哗，原来只要你有自信到一个位呢，系任何人都唔会攻击到你啰，因为𠮶吓真系唔知点应佢呀！系佢真心觉得自己好型，所以佢好多谢人哋赞佢，但佢真系唔知道人哋真心笑佢。」虽然事后她有跟富商A说是因为老仍玩水上电单车而被耻笑，但富商A反指五索「痴线」，五索说：「佢真系觉得好型，真系抵佢咁有钱，原来有好多嘢自信系解决好多问题，所以同咗佢一齐之后，我系由一个好自卑嘅人呢，慢慢变得敢做自己多啲，然后呢一种自信可以令到你个人变得比较顺啦、成功同比较正面。」
