天王歌手夜场被斩险丧命 曾被相士预言有血光之灾 双失令人生陷低潮：觉得被社会排斥
发布时间：09:00 2025-01-17 HKT
70年代殿堂级歌手大AL张武孝的一生可谓充满传奇，当年乐队解散后，凭住独特的豆沙喉单飞转唱广东歌，结果大唱市井歌极受欢迎：「以前一般人赚300蚊一个月，我可以揾到500蚊。」转唱酒廊时期，可以赚3、4万一个月，吸金力惊人！
张武孝因失声被逼转行做夜场经理
不过张武孝因失声被逼转行做夜场经理，想不到因为一次意外险丧命。日前大AL张武孝接受好友钟慧冰的YouTube频道「冰姐的花样人生」的访问，重提当年被击一事，张武孝说：「𠮶次系唔小心得罪，你话蓄意得罪人，我根本冇呢个胆量同力量，我都唔系呢啲人，其实据我了解，𠮶件事系因为我入世未深，以为搞好个生意，但过程中因为利益令某啲人唔开心。」
相关阅读：70年代殿堂级歌手吸金力惊人 月入5位数兼多女埋身 曾因一首禁歌毁形象：伤害得好紧要
大AL张武孝死过翻生：
张武孝遇袭后情况严重得很厉害
张武孝在访问上说：「你知道喺Disco夜总会生意，我成日都话，如果你有花，你就有蝴蝶、有蜂，最重要系Disco有好多美女，就有生意。但呢班人落嚟，好似认识唔到女仔，就对𠮶班女仔唔客气，会打哋。开会议嘅时候，我系搞营业，我系总经理，梗系同佢哋讲，叫呢班人唔好落嚟，可能因为中间人表达有问题，情况就系咁样，其实呢啲都是命运。」张武孝坦言当时情况严重得很厉害：「你谂吓报纸者写危殆，就谂到件事有几紧要，我自己都饮醉，晚晚都饮醉，始终系卖酒，当然希望生意好，喝完呢樽佢哋再开一樽，𠮶阵我哋嘅潮流好流行XO，开一樽两、三千元，变咗你习惯都要。而且又好多人识你，你系做歌星，转咗做呢行，大家都识你系大AL，大家都嚟揾我饮。」
张武孝曾被三个相士算过有血光
张武孝还说：「20几年前有三个相士都算过我喺𠮶一年有血光会差点死，我都而家都唔明点解？𠮶阵系30几岁，系几年前讲，𠮶个人好出名，𠮶阵佢撞到同我，都叫我避。听讲𠮶个细路仔，系畀人指使，因为听到我嗌佢就惊，我又跑走，如果佢识嘅话，一刀就死，唔使十几刀。」不过事件未有令他有转行念头：「可能系𠮶啲算命师话呢个系一个劫，就算我做边一行可能会发生，因为𠮶阵我仲未转行，冇谂过做呢啲嘢，所以我话人生很有趣，有冇话对人生好多谂法呢？系有，低落咗一段时间，但我可以面对，因为可能同屋企有啲关系，因为我同妈妈差唔多系相依为命，佢咁后生，你可以点样？你都要照顾佢，佢咁辛苦将我养大，我一定要佢过得好，呢个系一个力量，点样都要走落去。」
相关阅读：70年代殿堂级歌手现身聚会！曾被斩至命危兼传吸毒 老婆系87年港姐
张武孝为家庭重返香港？
相关阅读：大AL认同音乐养生愿唱到90岁 露云娜有健康良药唔使打美容针
张武孝转行因为双失人生跌低潮
张武孝亦提到转行的原因：「转行系因为双失，首先系失声，你知道喺我哋𠮶个年代，一失声事业好明显走下坡，歌迷、电视台各方面都对你打折扣，甚至我有举例，有时人哋冇谂过要排斥你，但环境令你觉得自己被社会排斥，平常最红𠮶班，譬如同罗文、边个边个𠮶班，喺电视台一走近，就搭膊头倾得开心，但系当你跌𠮶阵，你会觉得佢哋讲嘅嘢好似同你冇关系，甚至佢哋讲嘅话，每一句都好似刺中你嘅心。」张武孝续说：「第二个失系失恋，𠮶个人走咗，见番𠮶班人会谂返起，我都医咗好耐，唔系好多朋友知道，自己知道，自己系最好嘅医生，时间系最好嘅药，我咗7年时间去医伤。」
