叱咤2024丨张敬轩获Ian陈卓贤公开感谢约见面 撰逾800字长文交代关系
发布时间：17:08 2025-01-02 HKT
叱咤903商业电台主办《2024年度叱咤乐坛流行榜颁奖典礼》已于昨日（1日）完满结束，今年MIRROR再度成为大赢家，其中陈卓贤（Ian）个人夺得四个奖项，包括「叱咤乐坛唱作歌手」金奖，Ian陈卓贤在在台上不忘多谢张敬轩。而张敬轩更如「乐坛教父」，女团VIVA及曾傲棐（Arvin）分别夺得「生力军组合金奖」及「生力军男歌手金奖」时，同样点名感谢张敬轩。
Ian陈卓贤感谢张敬轩
Ian陈卓贤在台上更特别感谢张敬轩：「关于呢个男歌手奖有个故事，头先台上好多歌手提起一个名，张敬轩先生。点解男歌手奖有个故事，2022年嘅时候，张生攞咗男歌手金奖，有一晚佢打畀我，『我有啲嘢要畀你』，跟住佢畀咗佢𠮶年攞嘅男歌手金奖我，佢同我讲『你摆喺屋企，我相信你有一日会攞到，攞到然后你攞返畀我』。我今晚返屋企，即刻攞返畀你，多谢，thank you！」
相关阅读：叱咤2024｜叱咤903颁奖典礼完整得奖名单 ViuTV现场直播 陈卓贤夺男歌手兼唱作人金奖
张敬轩长文讲Ian陈卓贤：
相关阅读：叱咤2024｜Ian陈卓贤夺「叱咤男歌手金奖」 台上感谢张敬轩罕揭交情 约定完骚见
张敬轩在圈中人缘极佳，被Ian陈卓贤公开感谢并不奇怪，不过张敬轩对获多位歌手点名致谢，在threads上笑言：「今日打开个脆，哗咁热闹嘅，咩料！大家都知我份人，我觉得我自己呢就都好讲得笑嘅，讲乜都得，不过呢喺呢个网络流行各种风向嘅时代，我都想为自己保留返一啲嘅话语权。」
相关阅读：叱咤2024丨林恺铃夺新力军女歌手金奖 遗传妈妈龚慈恩靓样为追梦弃做建筑师
张敬轩坦言平时对大家的「讲笑冇乜所谓」，还认为「反正我份工都包埋嘅」，对提携后辈他只是尽自己能力结善缘：「我当年两手空空嚟香港，我眼前拥有嘅成绩好大部分都系呢个地方、呢一度嘅人畀我嘅，到咗我拥有咗咯， 我就尽自己能力畀返出嚟，系对呢度嘅行业，又甚或呢一度嘅人对过我好、爱戴我嘅情义，冇乜嘢值得一提，一切都系应份嘅。」
相关阅读：叱咤2024丨VIVA感激张敬轩无私奉献 : 佢真系好专业同Sweet！ 曾傲棐自认无自信多谢轩仔借器材及分享经验
提到Ian陈卓贤口中的奖项，张敬轩今日（2日）就撰写逾800字长文交代。张敬轩表示两年前认识Ian陈卓贤，当时对方不苛言笑又不与人对话，给他一种处于焦虑及忧郁的感觉，在Ian陈卓贤身上感觉到过往的自己，散发出一种对前路茫然的感觉。张敬轩因不忍心Ian陈卓贤浪费自己的青春及时间，便出招鼓励Ian陈卓贤要争气。
相关阅读：叱咤2024｜网民曾统计播放率冯允谦领先 大热倒灶败给Ian连失3金 洗版轰不公惹争议
张敬轩留言：「于是我有一晚抽起条筋，我话陈卓贤你喺边？我攞样嘢畀你。于是我的咗个𠮶年嘅男歌手金奖奖座畀佢，我同佢讲，好老嚟㗎，你摆佢喺你写歌嘅𠮶张枱嘅枱头。望下望下就有㗎啦，你要鞭策你自己，学我老板话斋，做人要争气！要为自己争气！于是条友攞返屋企，摆咗喺抬（枱）头，影咗张相畀我，就系咁。」
相关阅读：叱咤2024丨郑秀文夺我最喜爱的女歌手 相隔24年再领奖激动：我呢个年纪仍然记得我
张敬轩与Ian陈卓贤同是创作型歌手，二人私下熟稔，张敬轩曾感谢Ian陈卓贤在其感染新冠肺炎时悉心照料。而Ian陈卓贤在入行初期曾出现心理健康问题，靠张敬轩走过低潮。Ian陈卓贤去年7月举行演唱会时，自爆「冇咩朋友」，再介绍张敬轩出场：「呢位嘉宾好重要，成日好失意嘅时候开导我，之后变咗亦师亦友嘅关系，好照顾我。」早前有网民遇见二人交收手信。
相关阅读：叱咤2024｜姜涛再夺「我最喜爱的男歌手」：又要畀人闹 曾被斥「冇品」床哥台下做一手势
VIVA曾傲棐感谢张敬轩：
相关阅读：叱咤2024丨郑秀文24年前夺「最喜爱女歌手」片段翻hit！ 红色战衣重现连奖项都复刻 俞琤曾因一事惹争议
张敬轩threads长文如下：
都讲开咯，唔争在讲埋。
关于Ian单嘢其实系咁嘅：两年前我20周年红馆演唱会揾咗阿姜（姜涛）、陈仔（Ian陈卓贤）、Jer（柳应廷）嚟为我担任表演嘉宾。𠮶阵时嘅佢，不苛言笑，又唔系好同人讲嘢，畀我一种处于焦虑同埋忧郁嘅感觉，佢嚟彩排嘅时候嘅状态，再加上演唱会之后佢揾我帮佢监制一只歌，我哋慢慢熟络咗，我喺佢身上睇到咗05至07年𠮶个阶段嘅我， 经常散发出一种对前路茫然嘅感觉。我觉得佢哋12个仔个个都叻，各有各叻，但系毕竟每个人嘅际遇都唔同，要面对同解决自己原生家庭所带来嘅困难亦都唔同，𠮶段时间会经常见面嘅就系得Ian，我觉得做我哋呢行成名要趁早， 睇见佢日日咁样吽吽兜兜（哣哣），系唔忍心佢浪费自己嘅青春同埋时间。
我透过祈祷同埋吸引力法则，获得过好多我嘅人生目标同埋梦想，古人有云：授人以鱼不如授人以渔，与其写只歌畀佢请佢做个演唱会嘉宾，不如教佢点样重新打返开自己，调整自己嘅能量，学识自己为自己嘅梦想同目标而努力。于是我有一晚抽起条筋，我话陈卓贤你喺边？我攞样嘢畀你。于是我的咗个𠮶年嘅男歌手金奖奖座畀佢，我同佢讲，好老嚟㗎，你摆佢喺你写歌嘅𠮶张枱嘅枱头。
望下望下就有㗎啦，你要鞭策你自己，学我老板话斋，做人要争气！要为自己争气！
于是条友攞返屋企，摆咗喺抬（枱）头，影咗张相畀我，就系咁。
㖊晚到而家呢十松啲个钟头，网上嘅各种报到呀言论呀我都立咗一立，我想讲嘅系，我哋每个人嘅经历或者社会嘅文化会将我哋教育成为某一种人，或者会无意之中为我哋培养咗某一种嘅价值观，有时可能系羊群效应，「因为身边嘅人系咁所以我都应该系咁」，但我觉得我哋有独立思考嘅能力，点解「因为个世界差，所以我哋我哋都要去做差嘅事会比较容易生存呢？」点解唔可以相信，我做一啲、你做一啲、佢又做一啲好嘅嘢，个世界就会变返好㗎喇......成日带住猜度同防备心做人好辛苦，好艰难，呢个永远都唔系我做人嘅option。我暂时想讲嘅嘢系咁多，谂到再同大家分享。
