中年好声音3丨「御用老临」尤志豪晋级无望称遇不可抗力因素：由天堂跌返落地狱

TVB节目《中年好声音3》在周日（24日）播出的一集，香港赛区、大湾区及新马区60强选手进行大混战，14位选手中有两位选手夺5灯直接晋级，分别是5灯张与辰和5灯李金凯，不过曾因跳唱《狂野之城》获5灯好成绩的TVB「御用老临」尤志豪，今次在PK战第一回献唱《初恋》，结果因超自信演绎「炒晒车」而出局。

中年好声音3丨TVB「御用老临」尤志豪超自信演绎

在周日晚播出的60强PK战第一回，14位选手中有两位选手夺5灯直接晋级，分别是 5 灯张与辰和 5 灯李金凯，其余选手 PK 组合如下：尤志豪《初恋》VS 莫丽淇《明知故犯》、杨炳德《这么 近（那么远）》VS 刘洋《偷心》、胡家健《亲情》VS 严志恒《阿牛》、陈威《普通 朋友》VS 王郑浚仁《落叶归根》、张家豪《美丽之最》VS 梁华胜《沙龙》、陈芷 盈《Forever Love》VS 陈欣《空白格》，当中莫丽淇、刘洋和王郑浚仁挑战成功， 安全晋级。

相关阅读：中年好声音3丨 TVB「御用老临」撞样八両金！曾是男团成员 拍过《双生陌生人》、《爱回家》

中年好声音3丨尤志豪超自信演绎炒晒车：

「蕃茄」尤志豪演出曾令海儿心心眼

「蕃茄」尤志豪在《中年好声音3》海选上表现收放自如，音乐一开始便大耍拳脚功夫，之后中气十足唱出《唐山大兄》，其实虽然甩嘴，但不时以耍功夫的台风，成功获得评审赞扬。其后后在香港赛区26 位选手登场时，尤志豪凭《狂野之城》成为五灯选手，当时尤志豪的演出可谓娱乐性最高，在布幕后以剪影姿态示人时，尤志豪已扭腰跳热舞，搞到评审海儿随著音乐摆动，看得开心又享受：「好精彩，一路唱一路跳系好难，做得非常好。」张佳添大赞为最enjoyable的演出，伍仲衡更邀请他组男团！

尤志豪60强PK战选唱《初恋》

不过在周日播出的60强PK战上，尤志豪选唱《初恋》，今次继续落力歌舞演出，喷彩纸之余又向肥妈派心，可惜过分专注做戏，忽略唱功，搞到走音兼甩Beat，结果这个超自信的演绎遭肥妈狠批：「我想问你今日做乜？走音、甩拍子，你太投入做戏，唔记得咗系嚟唱歌。」坚称自己未有走音的尤志豪，更遭伍仲衡狠批：「所有走音嘅人都话自己冇走音！」全部选手企起身争住向尤志豪挑机，最终由同样2灯的莫丽淇挑战成功。

尤志豪出局后在IG撰长文解释始末

尤志豪出局后在IG撰长文解释始末，他坦言今次意料之外夺得5灯意义重大，虽然短暂，但都是一个小成就：「今次由天堂跌返落地狱，落差感真系几难接受。但都系预料之内… . 原谅我喺电视上好似面黑黑咁。因为𠮶一刻我压抑紧我啲眼泪。所以睇落好似好X面咁…同埋其实有啲嘢佢剪走咗…我都好想解释一下。多年来我都努力提升自己。保持专业。用微笑开心嘅形象去迎接所有嘢。可能好多人觉得我扮嘢，唔认真，哪来的自信。觉得我就系一个笑话。但我要证明我唔系，我就要更加倍努力。」

相关阅读：中年好声音3丨颜志恒师弟参赛爆辛酸史！张家豪曾欠巨债致破产 陈欣乐天对抗恶性肿瘤

中年好声音3丨颜志恒中学师弟参加比赛？

尤志豪自认唱歌与外表好讨好

尤志豪续说：「我自知唱歌同外表，都一定唔系特别讨好。所以我要更加努力用更多方面去补偿，令所有嘢更完整。我都想努力试新事物，带到新鲜感畀大家。毕竟作为演员比足200%努力，系我对自己都对观众嘅尊重。首先因为歌曲选择其实都好有限，《初恋》其实并唔系我嘅优先选择，但可能命运安排，我得到唱《初恋》嘅机会。而当时唔知点解，我脑海系想起咗我妈妈。妈妈系出生第一个教会我去爱嘅人，而𠮶种爱系比较热情可爱，深深影响我做人需要快乐，带畀所有人热情嘅爱。所以当下感觉系，既然都要唱《初恋》，我选择以《初恋》去作为一封送畀妈妈嘅情信。因为对比情侣之间嘅爱。对我嚟讲，妈妈先系世界第一个接触你同爱你嘅初恋。」

尤志豪想加更多心思而做多了

尤志豪确实为想加更多心思落去而「做多咗」：「我嘅出发点系想件事可以互补到，特别系我知我状态唔太好嘅时候。为咗呈现更完整嘅表现。我必须要用其他嘢去平衡，先可以带到个完整嘅效果。作为表演者，咁先系对观众嘅尊重，每次上台，不论系工作时定系比赛。我其实都只有一个想法，全力将最好嘅呈现比所有人，要专业，唔好辜负人嘅期待。但我承认，好多时我就系思考得太多。导致咗事件崩塌，呢样系无可厚非嘅事实。」他又说：「当初100强嘅5灯。不论人哋点样睇，觉得我值唔值得都好。对我嚟讲真系好大嘅感动，就算系短暂都好，我有种辛苦多年被短暂认同嘅感觉。就好似有人同我讲句：『辛苦啦！』今次我对自己好失望同无力感，因为我呈现唔到我最好嘅表现畀大家，都对支持我嘅人感到抱歉。同时我都对某些不可抗力因素.感觉好无奈，当然作为当事人系有责任要克服所有嘢，有啲嘢，真系唔系一句克服就可以解决。」

相关阅读：中年好声音3丨区瑞强65岁胞弟成功晋级 戴帽西装造型与哥哥饼印一样有望变「吴大强2.0」

 中年好声音3丨五灯单亲妈刘晓昆住半山？

尤志豪致命伤因喉咙发炎而失声

原来当日尤志豪因喉咙发炎而失声，连耳机当日都出事：「两样同时发生，对歌唱比赛，真系致命伤，但比赛就系比赛，失准就系失准。我都唔系想搏同情或者揾借口。但作为一个表演者，如果系我状态好，能够尽全力过后再失败，咁我都无悔，但而家我有种好强烈嘅无力感，同埋有啲嘢喺节目度被剪咗，所以我都希望讲一讲返。」他续说：「当日其实除咗把声咗事，仲有几个技术性问题同时发生，可能系沟通失误，或者设定问题，但我个耳机其实出现咗啲状况，音乐不停爆咪炸耳，一时就似隔咗层膜咁，仲有延迟，机听嘅节奏同现场唔同步，我同时听到两边嘅声音，初头系完全捉唔到个节奏，后期我手动调整咗先可以。有朋友话我做咩唔除耳机，但其实当下我都好混乱，思考唔到，因为前一日彩排所有嘢都好正，所以发生嘅当下我系完全无预料过，导致入唔到个状态，呢一样嘢好唔专业，我承认。」

相关阅读：中年好声音3丨「木偶哥」爸爸终出场！戴假发造型似足许冠杰 获五灯直接晋级竟惹争议

尤志豪会重新出发继续努力

最后尤志豪说：「所有嘢真系发生得太快，我真系好想讲返我嘅感受，同埋我真系好努力，我唔系只有嬉皮笑脸，我其实好多血汗。其实比赛𠮶段期间，我连续先后无缝接轨咁喺两个主题乐园工作。可能有人喺去主题乐园玩𠮶时见过我，我𠮶时系需要好热情地同人互动，需要不停讲嘢，导致我把声其实发哂炎。睇医生好耐都好唔到。就算请病假休息，好返少少。然后返工继续烧声，加上休息不足，我个人其实上晒火，咁嘅状态，我其实真系长期病住。而发炎最严重𠮶期，就系60强比赛期间。所以就……咁啦。我真系无估到今次会系咁崩坏，呢种未完成嘅遗憾感觉，真系好窒息。今次我真系对自己，对件事都好失望。但更多嘅系无奈同无助。点都好！我只系想讲一讲自己感受~今日过后。我又会重新出发。我会继续努力，呈现更好嘅畀大家！」