星8卦丨「媳妇仔」卖惨其实最阴湿细佬冇陪饭被KO懵然不知

更新时间：11:30 2024-11-15 HKT
发布时间：11:30 2024-11-15 HKT

有时真系唔好睇表面，日日对住以为真系一家人？其实好似简单嘅环境偏偏最复杂。好似「媳妇仔」咁一直畀人印象客气、惊青又有礼貌，但咁多年落嚟，卖惯惨嘅佢心理唔系好平衡，平时现真身都唔系人咁品。喺剧组因为有啲势力，加埋角色都系虾虾霸霸，而且系老屎忽，所以都摆阿姐款，得闲无事就要叫大家陪饭，好多唔系有背景嘅都要唔返屋企同「媳妇仔」去趁。

相关阅读：星8卦丨「组织」出街食饭成日揾着数俾人唱单独各自各又变正常人

偏偏「细佬」唔知死，平时唔睇清形势就算啦，连续两次都唔喺「媳妇仔」啲饭局出现，令到「媳妇仔」觉得唔畀面，于是发功整鬼佢。「细佬」渐渐见到啲戏份越来越少，而且剧本人设好唔掂，乞人憎又讨厌，走去问监制导演，被冷言冷语对待又得唔到答案，唔使太耐，佢就被通知角色将会消失冇得捞。

「细佬」初时都唔知死喺边㗎，后嚟同样喺剧组出咗嚟嘅同佢讲死因系唔畀面「媳妇仔」，先至知道呢个表面全部二打六做主角嘅地方，除非系上头空降落嚟客串下，好似「妹妹仔」咁就冇事，如果唔跟潜规则玩，就只有死路一条！

其他文章：

星8卦丨「姣精」害「直男」形象全毁正牌炮友「咸湿」偷笑甩身

星8卦丨「唱将」生完仔复出揾钱扭拧拣Job计划再生几个

星8卦丨「青筋面」耍手段擦「福伯」鞋攞大奖人缘心地差依然冇运行

星8卦丨「大只」以为嫁硬「才华」被抛弃揾个男人扮结婚激将法害自己下半生

星8卦丨「冻冻」为生活畀「书生」嫌弃遇「英俊」搭棚呃身家苦命女人

↓立即下载星岛头条App↓