吴文忻为亡父坚强活下去！爸爸退休回流被星探睇中曾拍荷里活电影做妮歌洁曼老爷

更新时间：22:06 2024-11-10 HKT
发布时间：22:06 2024-11-10 HKT

50岁前港姐季军吴文忻（现名吴忻熹）今年8月惊爆两年前曾确诊乳癌，经治疗后一度康复，但今年癌症复发，现时已经是乳癌第三期，更扩散至淋巴腺。近来积极抗癌的吴文忻昨晚公布爸爸猝死的噩耗，心情沉重的吴文忻今日在IG再贴出一段影片，原来吴爸爸曾拍过荷里活电影，星途比女儿还要好。

吴文忻爸爸曾拍过荷里活电影：

吴文忻今日在IG再贴出一段影片，分享爸爸的生前轶事，原来吴爸爸曾拍过荷里活电影：「记得你刚退休从美国回流返香港，你很不习惯这里的生活，又没有很多朋友在这里，和每天无所事事唔知做乜好，你好lost！我提议你去参加兴趣班，学吓你细个好想学但为揾食冇机会学嘅嘢，帮你上网揾咗啲资料，你后来选择学国画和水墨画，仲学到做埋老师教画画和开画展，so proud of you!」她续说：「之后你又被星探揾你拍广告，你仲话间公司都唔知系咪呃人，唔谂住上去，我看看张卡片， Jamcast㖞，唔系呃人㗎，我都识佢哋，我仲陪你上去casting，从此，你就源源不绝的接拍平面和tvc广告！」

意想不到的事再度发生，吴文忻说：「朋友Phoebe要揾很多香港演员casting荷里活开拍由Nicole Kidman主演嘅《The Expat》，我叫你试吓，你话边会拣你呀！我话『you will never know if u never try!』(我教女时常常讲的！没想到竟然成功套在你身上），我还同你对搞和录casting video，导演竟然真系在众多人选中拣咗你，仲有机会冲出香港，到荷里活拍剧，做Nicole Kidman个老爷！so proud of you！我爸爸迟来的星途，绝对好成绩过我！爸爸，你一路好走！我嘅第二人生现在才开始，放心！」