汪明荃被陈志云质疑阻后生上位 愕然半秒霸气反驳：你估而家啲港姐呀，18岁就做！
发布时间：20:50 2024-10-07 HKT
TVB镇台之宝汪明荃现年已77岁，仍为粤剧界出心出力，间中为TVB大骚坐阵做司仪，近日更宣布将于11月举行红馆演唱会，对演艺事业的热诚令人佩服。最近汪明荃忙于为演唱会宣传，日前作客陈志云YouTube频道直播受访，期间陈志云提到汪明荃到中年时还在《京华春梦》演少女，质疑她阻年轻人上位，令汪明荃闪现愕然表情。
相关阅读：罗家英公开顺德特色建筑风格祖屋陈年照 网民错重点留意汪明荃年轻时打扮
汪明荃被问及退休霸气回应？
汪明荃日前接受陈志云YouTube频道的直播节目访问，陈志云问及汪明荃有否考虑退休，汪明荃表示：「老实讲都唔系话冇嘅！有时攰得滞，啲工作重复太多会觉得闷，咁都会想停一阵，但停一阵好喇，唔会谂住停晒啰！」汪明荃续指：「我学咗咁多嘢，我如果唔做咪嘥晒！做咩嘥咁多时间去学啫？而且我想证明每一个年龄都可以做啲唔同嘅嘢。」
汪明荃：我冇阻住到佢哋㖞！
陈志云这时读出网民留言：「呢度（留言区）都有人话『哎呀，好心畀啲后生嘅做啦』。」汪明荃即反驳：「我冇阻住到佢哋㖞！后生嘅又做唔到老㗎（长辈的工作）。」不过陈志云举女星黄曼梨作例子：「黄曼梨好后生就做阿婆。」汪明荃指：「系因为佢自己个样生得老积稳重呀嘛！有啲（演老人）假到死，我会阻住边个啫？唔会㗎！老𠮶啲同我一齐老㗎啦！」
相关阅读：汪明荃提前庆祝罗家英78岁农历生日 弃昔日最爱品牌改穿Valentino喜庆打扮显细致
汪明荃被质疑「阻人上位」？
陈志云问及汪明荃出演1980年剧集《京华春梦》时几岁，汪明荃表示：「我谂都系40几岁啦！（实为33岁）」陈志云笑指：「你咪阻住啰！40几岁做10几岁！」汪明荃露出了半秒愕然表情，接着她表示：「咁40几岁先啱啱学识做戏咋㖞，你估而家真系港姐呀？18岁就做。」陈志云都认同汪明荃说法，认为的确需要一些经历才有助演戏，更指欣赏汪明荃指「你估而家真系港姐呀？18岁就做」。汪明荃表示现时太多年轻人入行经验不足，「唔系咩？而家（入行）即刻叫佢哋做戏、做主持，你乜嘢都未学。」汪明荃认为经验需时间累积，获很多网民认同。
汪明荃宽敞独立屋曝光：
其他文章：
汪明荃为全红婵敢言发声！深明名人都要付出代价望尊重私隐：做一个文化人
76岁汪明荃娇俏孖辫妹Look与罗家英拍拖 再穿最爱GUCCI运动装好悭家
汪明荃东莞开母亲节音乐会粉丝坐满121围 热情狂迷冲台边举灯牌欢呼
