星8卦丨「木面」靠「俊哥」射住任驶钱「富豪」割席自保被逼再出山

更新时间：11:30 2024-10-04 HKT
发布时间：11:30 2024-10-04 HKT

呢排「木面」变得好高调，可以做宣传，可以揾钱嘅机会佢都唔放过，呢种积极态度令大家都觉得唔妥。其实呢十年「木面」之可以咁大手笔，原因都系多得「俊哥」呢条大水喉射住，「俊哥」门面系做好多正行生意，但真正揾大钱系靠境外好多不法勾当，「俊哥」个胆系大到乜嘢都敢做，然后靠「木面」帮自己做返正行，仲建立痴情有为男人形象。

相关阅读：星8卦丨「阿太」揾错「三吋钉」玩失踪唔合作下封杀令终于蒲头

但自从「俊哥」猝逝之后，「木面」冇咗依靠，啲人成日以为佢啲钱系「富豪」支持，其实呢段秘恋最大得益系「木面」学识做生意，将「俊哥」啲钱好好运用，先至成就到「木面」过人嘅地位。到出事之后，养咗咁多人开支都唔少，「富豪」即刻同「木面」讲唔好旨意佢帮手埋单，供养同打本系两回事，大家开心喺埋一齐，唔代表要帮佢咁多细眉细眼嘅生意。

「木面」知道冇得倚靠，所以自己谂办法，亦开始计吓数，唔得嘅由得啲嘢自然消失，自己呢，就系最佳宣传，密密蒲头系希望快啲揾到新老板，新水喉，咁就唔使再收缩，Keep住一哥位置。

其他文章：

星8卦丨「倒𥄫」情场多波折贴钱打本益「番鬼」以为有得嫁

星8卦丨「四方面」割价霸住做大场第一个威畀前度心魔放唔低

星8卦丨「扮劲」狗眼睇唔起人教仔揾有钱人做朋友穷人咪埋身

星8卦丨「勇仔」后生挨坏身体频频大病连累蚀大本坐冷板

星8卦丨「大仔」爱姐姐「阿妈」经济封锁老窦出手支持帮「大仔」继续爱

↓立即下载星岛头条App↓