星8卦丨「阿太」揾错「三吋钉」玩失踪唔合作 下封杀令终于蒲头
更新时间：11:30 2024-10-01 HKT
发布时间：11:30 2024-10-01 HKT
发布时间：11:30 2024-10-01 HKT
字体大小
呢个世界唔系人人都识衰过一次就知悔改，好似「三吋钉」又有下文嘞。呢排大家见佢又可以喺唔同地方出现，睇嚟已经松绑，毕竟有啲人气嘛，帮手揾钱跑数嘛！「阿太」唔觉意见到佢嘅演出，见身高又唔差太多，所以主动揾经理人话请佢做男主角， 侧边啲人都话佢大胆，呢条仔唔简单㗎！
相关阅读：星8卦丨「倒𥄫」情场多波折 贴钱打本益「番鬼」以为有得嫁'
虽然佢有好好地咁完成工作，先唔讲「三吋钉」做得好唔好，但就喺后期好多工作要配合，「三吋钉」只出过嚟 一次，觉得已经完成责任，之后直情唔复电话，连经理人都揾佢唔到。「阿太」初时都由得佢， 但出嚟成绩唔太理想，于是发烂渣，亲自留言，话如果再唔蒲头，一定用方法封佢盘。
「三吋钉」难得可以返嚟，唔使再离乡别井，尽情媾女、尽情玩不良嗜好，呢段时间唔见人就系过咗隔离埠，玩到唔知日唔知夜，不知几开心。终于喺「阿太」嘅严重警告之下，「三吋钉」乖乖地好有礼貌咁同「阿太」讲最近有啲感情问题，所以意志消沉㖞，「阿太」信你都傻，虽然后悔，但都要完成埋成件事好头好尾吖嘛！
其他文章：
星8卦丨 「扮劲」狗眼睇唔起人 教仔揾有钱人做朋友 穷人咪埋身
星8卦丨「大仔」爱姐姐「阿妈」经济封锁 老窦出手支持帮「大仔」继续爱
星8卦丨「乖巧」人前人后两个样 埋怨公司推job错失攞奖机会
星8卦丨「败家」痴迷「平凡」 「正室」靠老爷度桥捉奸保住头家
最Hit
政府资助长者做白内障手术！医管局「耀眼行动」津贴$8000 3类人有份 附申请资格/方法
2026-05-24 09:30 HKT
迪卡侬新出$249防水鞋爆红！港人大雨实测列3优点「近排最满意产品」 网民：夏天要有！
2026-05-24 11:00 HKT
