星8卦丨「倒𥄫」情场多波折贴钱打本益「番鬼」以为有得嫁

更新时间：11:30 2024-09-27 HKT
发布时间：11:30 2024-09-27 HKT

「倒𥄫」唔知点解次次拍拖都不得善终，好似同「细路」一齐入训练班，青梅竹马都爱得好真心，点知畀同学「车车」横刀夺爱，无非系因为女嘅家境唔错，「细路」自觉冇乜天份，不如早啲咬软更实际。

之后同合作而擦出火花嘅「叔叔」有段父女恋，阴公嘅系两个人相逢恨晚，「叔叔」同老婆可以话系圈中典范，于是就地下恋咗几年，「叔叔」都有照顾下「倒𥄫」嘅生活，可惜老婆去揾高层讲数，叫公司管好啲花旦仔，还返个老公畀自己。如是者跌跌碰碰，「倒𥄫」终于畀「番鬼」狂追，两个人有文化差异，但就好鬼合拍，「倒𥄫」呢个时候有啲钱，「番鬼」话自己好想创业，于时「倒𥄫」即刻拎咗一半身家出嚟帮手。

朋友见到梗系揿住啦，可惜系「倒𥄫」已经情迷心窍，「番鬼」仲话开多一间分店就同佢结婚，但生意真系好麻麻，又卖到咁贵，大家都替「倒𥄫」啲钱肉赤，但一心以为有得嫁嘅「倒𥄫」，已经唔多恋栈幕前，到有一日啲钱蚀晒，「番鬼」又点对佢睇嚟真系要下回分解！

其他文章：

星8卦丨「扮劲」狗眼睇唔起人教仔揾有钱人做朋友穷人咪埋身

星8卦丨「勇仔」后生挨坏身体频频大病连累蚀大本坐冷板

星8卦丨「大仔」爱姐姐「阿妈」经济封锁老窦出手支持帮「大仔」继续爱

星8卦丨「乖巧」人前人后两个样埋怨公司推job错失攞奖机会

星8卦丨「败家」痴迷「平凡」「正室」靠老爷度桥捉奸保住头家

↓立即下载星岛头条App↓