星8卦丨「扮劲」狗眼睇唔起人教仔揾有钱人做朋友穷人咪埋身

更新时间：11:30 2024-09-20 HKT
发布时间：11:30 2024-09-20 HKT

父母点样教仔女，仔女将来就变乜嘢人。好似「扮劲」份人一向出咗名仆街，后生唔系烂滚嘅，但一识到「阿靓」见人哋有衔头即刻飞起拍咗8年拖嘅女朋友，谂返当日未红，靠人哋老豆周围叫啲行家关照，而家话飞就飞。

同「阿靓」好快结婚生咗几件，建立好男人形象，虽然同旧东家反面，但佢又揾到门路北上，叫做揾到个钱。有钱之后人就变质，佢而家净系同啲高官同有钱人来往，连啲细路都教佢哋认识有钱人至好来往。

有次学校搞活动，女同学行埋去揾「扮劲」个仔玩，点知阿仔即刻向后退，话自己都好钟意女同学，但阿爸话你屋企唔够我哋有钱，所以唔可以同你玩，以后我只可以同啲比我阿爸有钱嘅人做朋友。女同学梗系好伤心，返去话畀阿妈知，然后同其他家长分享，都话「扮劲」正仆街。不过佢狗眼看人低都唔系今时今日，同沙煲兄弟老板咁多年，都可以为新老板俾8位数上期，粒声唔出签埋约至公开，完全唔同旧东家交代一下，最绝系呢几年知道人哋闹佢，就巴结咗人哋嘅好兄弟做擦鞋仔。咁样教仔，真系遗祸人间一个贱老豆。

其他文章：

星8卦丨「大仔」爱姐姐「阿妈」经济封锁老窦出手支持帮「大仔」继续爱

星8卦丨「乖巧」人前人后两个样埋怨公司推job错失攞奖机会

星8卦丨「败家」痴迷「平凡」「正室」靠老爷度桥捉奸保住头家

星8卦丨「姑姑」畀绿帽「浮跨」戴急嫁「才子」最终顶唔顺分手

星8卦丨「甜甜」自力更生吊高嚟卖得罪「班霸」「东家」求开工待遇惨过做新人

↓立即下载星岛头条App↓