星8卦丨「一号」恃住名气贪心狂用品牌钱苦恋「俊型」被飞赢名气输身份

更新时间：11:30 2024-07-23 HKT
发布时间：11:30 2024-07-23 HKT

所谓嘅影后，其实人品都好麻麻。好似「一号」咁跟咗人哋老公谂住有戏做，的确唔系「俊型」佢又真系唔会红出国际。以当年佢咁嘅形象，好靠一个伯乐对佢嘅赏识。

「一号」红得早，所以好鬼串，佢一心谂住搞散到「俊型」段婚姻，但当时嘅道德观唔容许，而「俊型」亦冇谂过抛弃糟糠，你自动献身又唔可以要求我点对你好，畀名份唔驶谂啦。「一号」同「俊型」苦恋，佢自己咁认为啦，佢最大得益系赢咗名同利，大家捧到上天，令佢以为自己天下无敌。

事实好多客户都怕咗佢，请你做嘢畀足钱㗎，但你唔可以贪心到连戴喺身上嘅货都谂住据为己有，8位数佢唔敢贪，但7位数嘅货佢直情试过戴住走，搞到品牌方嘅工作人员孭镬，要出信叫佢攞番。呢种大贪唔在讲，小贪系以前出差提供总统到套房就一定啦，好多时埋单𠮶阵啲长途电话认真夸张，两三日讲4至5万蚊长途电话，大家话「一号」有乜嘢要讲？唔通24小时唔收线咩？而家科技进步，冇咗呢个烦恼。

「一号」喺好多品牌心目中真系质素好差，每晚叫Room Service唔客气，5位数一晚咁食，广宴亲朋，当然亦系客户负责，换咗一啲有返咁上下级数嘅明星，呢啲数完全自己搞掂，好多仲会自己帮衬买番啲笋货，个客梗系识做畀个超优惠价，而呢啲名牌亦有收藏价值，下次咪又揾返你啰。所以近年「一号」系代言界完全零踪影都系贪之过。

其他文章：

星8卦丨「妹妹」误信「发姣」可以揾快钱当「经理人」无到认真忘本

星8卦丨「小天后」体弱得怪病「威威」拚命三郎揾钱伴妻打硬仗

星8卦丨「阿俊」被力捧成为财神爷衰烂赌遭封杀死不悔改

星8卦丨「人妻」离婚为复出铺路信错经理人爆错料有排衰

星8卦丨「专业」花心乱媾仔追唔掂「少爷」搞鬼自取其辱

↓立即下载星岛头条App↓