东张西望丨盘点何伯何太15大金句！何伯对何太一见钟情：我留返自己用

更新时间：09:00 2024-05-15 HKT
发布时间：09:00 2024-05-15 HKT

TVB《东张西望》近日报道，76岁何伯与年轻逾30年的内地妇闪电再婚，与五名子女反目，更疑被细女提取450万元积蓄；何伯事件引起全城热烈讨论，不少网民认为何太贪财埋何伯身，更有网民开设「何伯&何伯老婆关注组」，至今已有近8万人加入，还有人将何伯与何太在访问中的金句制作为通讯软件贴图。《东张西望》前晚开始再次播出何伯与何太的跟进访问，再度引起热议，在今晚将会播出终极篇访问前，一同重温何伯与何太一连四集的16句金句！

东张西望丨何伯何太15大金句！

1. 第1集访问时，何伯谈与何太在街市相识的经过：「大家你眼望我眼，几好；佢煲汤畀我饮，我就饮，佢啲汤又几好饮，我就饮出感情，大家就签纸。」

2. 何太谈主动向何伯提出结婚，脸带甜蜜笑意说：「同佢行密咗，发生咗啲关系，就决定结婚。」

3. 何伯谈何太被子女炮轰是骗子：「我一睇到佢就系老实人。个个都针对佢，你话我几心痛吖。」

4. 何太叫何伯从定期户口取100万做生意，何伯解释：「我谂住佢……」何太即搭嘴：「想做餐饮，觉得香港餐饮业有得做。」网民笑言近年香港饮食业不景，多间食店结业，何太想法却相当乐观。

何太激动：你用词用好啲，好唔好？

5. 第2集开始时，主持魏柏豪问到何伯当初为何与细女开联名户口，何伯说：「我都几十岁，希望我走咗之后，佢可以继承得到。」殊不知未有上镜的何太在镜头后激动插嘴：「系处理得到，你唔好讲承继，唔系佢承继呀嘛，你用词用好啲，好唔好？」

6. 何太曾劝老公回到子女身边，岂料何伯服过量药物入浴室独处想轻生，何太边哭边表示：「佢后尾顶唔顺，成口都系血，佢顶唔顺就自己拉开度门，我一睇到，问佢做咩。我走入去，个缸全部系血。𠮶时我都唔知点算，我话『你唔可以死，你死咗，第日你啲仔女嚟揾我算帐』。佢如果真系死咗，我就成咗罪人。」

何太谈典当何伯名表：我唔要「住」

7. 前晚第3集，何太为贪财解画时，激动表示：「佢畀只表畀我话去当，我都唔要住，我仲有钱，我顶得住！」何太的「住」字讲得极细声，因而播出时有不少观众都未有留意，后来网民才发现并认为何太并非不要何伯的名表，只是暂时不拿去典当。

8. 何太接着更爆seed说：「我顶唔顺呀！因为我系好注重名声嘅人！邪不能胜正！我哋为人正直！我哋会坚持走正确的路。」

东张西望丨何太大晒流星锤大龙凤鈪！

何伯闹网民：我当佢哋疯狗

9. 对于何太遭网民围剿是骗财，何伯嬲爆闹网民：「即系攻击我哋𠮶啲人，我当佢哋疯狗。」

10. 何太被主持梁敏巧问到如果450万拿不回来，会否打工养家，她表示：「我一定会谂到生存的方法，我老公唔畀我自己出去打工，无论我而家去边，我都会带住佢。我或者返大陆摆个地摊档，喺街边煎牛扒畀人食我都会带埋佢。」

11. 对于外界质疑何太看上何伯甚么、认定她是贪钱的女人，何太表示：「试问有边个女人唔希望揾到个爱锡自己嘅老公？唔通我老公爱锡我都有罪？都要畀啲世人用唔好𠮶啲眼光睇佢？应该羡慕我先生先啱！女网民应该羡慕我有个老公锡我先啱。我从来唔会呃人一分一毫！」

12. 何伯坚称何太靠得住，自信表示：「根本我就挑通眼眉，边个女人呃我，我一定睇得通。我10几岁嚟香港，我跑过江湖，我知㗎！我认为佢老实，靠得住，咁咪娶佢。」

东张西望丨何伯再婚故事前情提要：

何伯谈迷汤：啲后生仔唔够我嚟呀！

13. 昨晚第4集访问中，何伯与何太反击「街市迷汤」传言，对于有传何太煲汤落壮阳药，何伯冷笑道：「开玩笑。」何太则否认：「我唔识呢啲嘢。」何伯继续激动说：「冇咁嘅事，我OK嘅，啲后生仔唔够我嚟呀，假嘅咩？你睇我身体！」

14. 对于有指何太四出寻猎物，何太回答：「我冇印象……」而何伯即抢答说：「佢第一句同我讲，我𠮶时喺隔篱买报纸，揸住啤酒同佢倾下偈，我同佢感情好，佢问我有冇男人介绍一个，我话唔得㖞！」何伯续道：「一系契女，老婆又得，唔系喇！我就留返自己用，做老婆，咁我就一句做老婆，做我老婆，我留返自己用。」

15. 对于与何太进展太快，何伯表示：「佢急，啱我心水，𠮶时我都唔够胆，初初我主动追唔够胆，佢有意思，我就最好啦！我早就睇中佢，我一眼就钟意咗佢。」

其他文章：

东张西望丨何太反击迷汤传言否认落壮阳药 76岁何伯自夸：啲后生仔唔够我嚟呀！

东张西望丨揭秘何太追求何伯4大手法！每日煲汤焗花旗参水认识第一日即求介绍男人

翁静晶剖析76岁何伯事件？推翻承继并非易事《东张西望》访问片是最好证据

东张西望丨何太突转口风为应付生计已变卖流星锤龙凤鈪网民质疑前言不对后语

东张西望丨梁敏巧被何伯摸大髀？容羡媛转发一图关注何伯婚姻状况

东张西望丨何太为珠宝名牌袋解画！再晒何伯所赠10万元流星锤龙凤鈪梁敏巧睇到哗哗声

《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

紧贴最新最快新闻资讯，请立即下载星岛头条App：https://bit.ly/3Q29Vow