星8卦｜「纯纯」嫁入豪门以为执到「少爷」出轨收厚礼另类赢家

更新时间：11:30 2024-03-22 HKT
发布时间：11:30 2024-03-22 HKT

做阿太可能系好多女人嘅终生梦想，但系咪只有风光嘅表面就够一世满足？高EQ如「纯纯」都有顶唔顺嘅时候，佢嫁到呢个门口，都经过「老爷」严厉审核，好彩当日真系读到吓书，喺娱乐圈又唔系捞咗好耐，附合「老爷」嘅干净标准。

「纯纯」同「少爷」都系真心相爱，当日为咗得到「老爷」信任，「少爷」对「纯纯」多少有机心，揾个老窦钟意嘅女人，方便日后分身家。「纯纯」后生又可爱，「少爷」未试过好有新鲜感，两个人拍拖都好纯爱，净系啲保镖喺身边团团转，不过「纯纯」都好高招，揾咗个相熟好友唔觉意咁将恋情曝光。

因为佢谂住咁样对自己有利，就算真系嫁唔入豪门，身价都非一般，点知「老爷」鬼咁高兴，结果顺水推舟即刻入门，做咗人生胜利组嘅典范。问题系呢个世界有辣有唔辣，娶你返屋企唔代表要特别善待，既然成个屋企有「纯纯」一世都用唔完嘅钱，「少爷」始终唔改佢定时定候沟新女嘅习惯，「纯纯」顶唔顺就会同「老爷」摊牌，老人家但求头家安静唔好散，通常都即刻送好多大礼畀新抱，呢十年「纯纯」收收埋埋真系唔简单㗎，就嚟成为城中女首富啦！

星8卦｜「男主角」爆红有先见之明娶「女主角」开公司肥水不流别人田

星8卦｜「有脑」帮「阔少」生仔以为得宠用桥生多个终于出事

星8卦｜「痴情」错爱「男主角」自力更生「姐姐」挨穷帮手养仔女有情义

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ