星8卦｜「有脑」帮「阔少」生仔以为得宠用桥生多个终于出事

更新时间：11:30 2024-03-15 HKT
发布时间：11:30 2024-03-15 HKT

女人最紧要够胆，好命都系其次。「有脑」一向整个假象，畀人觉得净系副偈得但唔系好有脑咁嘅样，对于钟意女人大波，但大波得嚟要适合嘅「阔少」嚟讲，追「有脑」系志在必得嘅。「有脑」根本就系等一个被包养嘅机会，所以「阔少」一埋身完全无难道，几乎即晚已经行埋周公之礼。

「阔少」锡佢锡到可以畀「有脑」留有自己嘅骨肉，佢又好识生，继后香灯令本嚟人丁单薄嘅家族热闹咗，老爷都无晒符，惟有送咗几层楼畀新抱氹住氹住咁啰！但「有脑」捉错用神，以为自己当旺，竟然大贪到想坐正印个位，「阔少」即刻出手阻止，仲有一段时间将「有脑」打入冷宫。

对好色嘅「阔少」嚟讲都系忍咗几个月，对「有脑」念念不忘，好快就日日甜蜜，不过就讲到明唔好再搞咁多嘢。「有脑」睬你都傻，而家系你返转头，于是报错时间令自己再大肚，「阔少」嬲到震又怪自己唔小心，惟有赶咗「有脑」离开香港，生完之后细路唔准返嚟，阿妈就继续陪自己happy，费事老婆唔高兴，最绝系「阔少」唔想多事，索性扎咗自己干手净脚，点玩都唔惊留后添麻烦。

星8卦｜「痴情」错爱「男主角」自力更生「姐姐」挨穷帮手养仔女有情义

星8卦｜「珠珠」约正印讲数二女共侍一夫大婆智慧发言击退小三

星8卦丨「小鲜肉」「猛男」相知多年为真爱随时隐退

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ