卢宛茵自爆被后辈教演戏！斥年轻演员多跟班态度差：睇到我都作呕呀
发布时间：21:23 2024-02-26 HKT
70岁「TVB御用阿妈」卢宛茵近日与吴浣仪接受幕后人杨绍鸿的YouTube节目《小鸿吹水站》访问，谈到对现时电视圈的感受。卢宛茵更自爆曾被后辈教她演戏，更批评年轻演员多助手，部份年轻演员更非常无礼貌。
相关阅读：非份之罪丨陈炜卢宛茵爆婆媳纠纷视为大挑战 谭凯琪自认悭妹应使得使
卢宛茵与吴浣仪谈圈中后辈好激气？
卢宛茵与吴浣仪都是好戏之人，二人曾合拍70年代剧集《朱门怨》，私下亦是好朋友。卢宛茵与吴浣仪在影视作品中几乎都是做配角，过去几十年见尽人情冷暖，卢宛茵与吴浣仪亦有感电视圈的发展每况愈下。卢宛茵表示：「我哋以前都有戏剧大师，即系阿King（钟景辉）教我哋呀嘛，我哋都获益良多。但而家唔系嘅，『好声音』唱吓歌又话得喇……出嚟拍啦，卖吓广告又话拍啦！而家咁嘅！」吴浣仪则认为很多后辈根基不够。卢宛茵指很多后辈并非科班出身，自己都未顾好，竟教人演戏，而她也曾受人「指导」，卢宛茵表示：「试过叫我呀……『你呢句对白应该咁样讲㖞』，我望吓佢，我又唔答，我咪照我自己做啰！使乜理佢呀！」
细数12位今年70岁艺人：
吴浣仪见年轻艺人多助手感惊讶
杨绍鸿身为幕后人，曾表示部份公司硬捧旗下艺人，对影视圈造成影响：「唔完善嘅经理人制度，搞乱整个影视圈。因为佢哋将啲演员当成赚钱工具，佢哋未红已经捧到佢哋变天王巨星。」杨绍鸿更觉得公司为年轻艺人聘请多名工作人员服侍的现象有问题，吴浣仪表示：「我哋出去拍戏，哗！一班班真系……成房企满晒人。因为我哋冇咁嘅经验，我哋唔知呢啲。」卢宛茵亦和应：「我哋拍《季节》，碧姐邓碧云咪又系一个人返嚟开工，带咩呀？带六七个（工作人员）呀？傻嘅！睇到啲人出外景我都作呕呀，一个拎遮、一个拎茶、一个拨扇，哗！大佬而家咩事呀？」吴浣仪更表示：「发哥（周润发）都唔会有啦！」卢宛茵认为此风不可长，认为现时跟以前的影视圈的确有很大分别。三人笑指有些不红的艺人亦有此情况，吴浣仪表示：「系咪冇呢啲就唔会红？」
相关阅读：揭拍剧辛酸史 卢宛茵剖白：对唔住三个仔女
卢宛茵怕提点后辈会被黑面
卢宛茵与吴浣仪表示过去不曾有后辈向她们请教演戏，吴浣仪表示过去都曾在对戏时提点后辈，不少都很受教，反而卢宛茵表示：「唔好呀！黑面㗎！」吴浣仪认为电影圈的后辈跟电视台后辈态度有别，卢宛茵更模仿部份她认为的无礼后辈心态：「即系你理得我做得唔好啫，我下一套又系『猪脚』（主角）喇！」二人表示现时是半退休状况，如果有机会适合亦会接拍。
其他文章：
《卡拉屋企》重聚贺「肥妈」卢宛茵生日 楚原与南红出席笑容满面
《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
