叱咤2023｜《叱咤乐坛流行榜颁奖典礼2023》张敬轩夺「叱咤乐坛我最喜爱的男歌手」台上多谢镜粉

更新时间：00:10 2024-01-02 HKT
发布时间：00:10 2024-01-02 HKT

叱咤2023／叱咤得奖名单／叱咤我最喜爱｜叱咤乐坛流行榜颁奖典礼2023今日（1月1日）晚上7时30分在亚洲国际博览馆一号展馆举行。今届叱咤2023最受关注的「我最喜爱」系列奖项，当中「叱咤乐坛我最喜爱的男歌手」竞争激烈。

哪位歌手获得「叱咤乐坛我最喜爱的男歌手」？

叱咤2023「叱咤乐坛我最喜爱的男歌手」最终由张敬轩从林海峰手上获得。林海峰逐一介绍「我最喜爱的男歌手」五强名单，先提到张敬轩入行22年，在2014年获得「我最喜爱的男歌手」后，就一直未能获奖。林海峰又指张敬轩在2014年前对手大部份都是对手：「当前辈慢慢离开咗之后，佢就成为咗『我最喜爱的男歌手』。」林海峰表示张敬轩继续做好音乐，但面对更多强劲对手。

林海峰见古天乐获奖：有冇搞错

林海峰又提到张敬轩在2018年不敌古天乐：「当晚我喺后台打开信封，见到古天乐三个字，同工作人员爆咗四个大字『有冇搞错』，工作人员回返四个大字畀我『乐迷投票』，结果我将『我最喜爱的男歌手』颁咗一个影帝。」林海峰之后笑说：「2018年后，张敬轩之后面对第二个厄运，香港爆发咗开埠以来最大嘅流行，MIRROR大流行。」

林海峰以为张敬轩要等12年

林海峰提到姜涛连续两年获奖后，轮到Anson Lo：「我望落去嘅时候，心谂『你真系要等到Frankie拎埋奖先轮到你』，咁即系张敬轩要等多12年先拎到呢个奖。」轮到今年，又突然有尹光弹出，林海峰笑说：「你都叫轩公㗎啦，关爱座都有得坐，有乜理由坐关爱座都要让位畀法，但无办法，姜B、光B加埋都成百岁，你一定要让位畀佢啦。」还笑言：「有无睇过长江前浪畀前浪推？呢个系违反大自然定律。而且呢个前浪嘅全名系叫AI尹光，人点同高科技斗啊？」

随后林海峰继续笠张敬轩高帽，又表示：「有啲得奖人同我讲：『唔好玩我啦，Jan』我会继续玩落去，因为有个人一直都玩唔到。有票喺手嘅歌迷，系玩一个人玩足十年。」林海峰说：「张敬轩示范咗畀大家睇「有玩未为输」，佢系继续玩，好认真咁玩，系十年、足足十年，『十年磨一剑』，叱咤历史性时刻，重要嘅嘢讲三次，『我最喜爱的男歌手』，张敬轩、张敬轩、张敬轩！」宣布张敬轩获得「我最喜爱的男歌手」，而张敬轩则在台下显得一脸不可置信。

张敬轩感叹时代变迁

张敬轩上台时立即大喊：「多谢大家！」之后张敬轩表示：「参加咗叱咤咁多年，每年trend都变紧，我哋生活环境、时代都变紧。」张敬轩多谢乐迷投票后说：「我好少喺公开场合多谢佢哋，好多谢MIRROR嘅fans，因为好多IG Followers佢哋icon都系MIRROR啲样。其实你问我，而家广东歌喺亚洲乐坛持份额已经系好少，每年我哋为咗气氛炽热啲，有好多唔同新闻，但我觉得每一个歌手都系as one，都系一家人，我哋一齐做好我哋香港小小嘅乐坛。」

张敬轩随后继续多谢歌迷、网友：「时代嘅变迁，令我觉得同我同年入行嘅歌手已经一个比一个少，到而家全部都系新面孔。对于我嚟讲，惟有对呢个行业、世界保持强烈好奇心。」身为广州人的张敬轩亦好多谢香港，同时又多谢连登仔，指自己在迷惘时，亦会上网睇意见。