雯雯突然又呻崩溃sell惨情吸关注以旧IG帐号出新帖卖广告赚奶粉钱

更新时间：18:15 2023-07-28 HKT
发布时间：18:15 2023-07-28 HKT

「离婚界KOL」区燕雯（雯雯）多次数臭老公张致恒（Steven）「又废又懒」，无法应付家中开支，但又惊爆再怀有第4胎，而且临盆在即，早日Steven被爆在天水围食店打工，揾钱维持头家，不过其后又传他只返咗几日工而已，上周Steven就变返慈父，一拖3带住儿子陪埋怀孕妻行书展，同老婆和好如初。

雯雯月中时就宣布关闭原有嘅IG帐户，另外开设全新IG，需要每月付费$50入会，至今已有236个粉丝加入成为付费会员。不过，雯雯本来已清空及宣布不再用嘅旧IG帐户，今日中午竟突然有新帖文及出新嘅限时动态﹗她分享了与𡥧仔身于主题公园相片，并写道︰「最近个人完全系崩溃状态.. 好多好多问题都解决唔到，冇晒方向，直到遇到占卜师Jacqueline。喺占卜嘅过程中都好好，好有耐性同好详细咁慢慢解释我嘅问题。答晒所有嘅问题之后，仲好有心咁有赠言畀我，我都系第一次遇到占卜会送赠言，仲要系一个好详尽同好有心嘅赠言。呢个占卜之后我开始有番方向，同知道自己应该点样走之后嘅路，冇再咁迷失。好多谢。」有网民表示她只是为占卜师卖广告，亦有人向她发放正能量谓：「知道自己未来方向就好」。及后雯雯再出Po承认，(旧IG)只作广告用途不会更新。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ