张致恒面容憔悴小食店打工被捕获肯赚钱养家获赞好过Nathan周永恒

即时娱乐

更新时间：23:45 2023-07-16 HKT
发布时间：23:45 2023-07-16 HKT

张致恒(Steven)不时被封为「离婚界KOL」嘅老婆雯雯公开闹爆「又废又懒」，但日前雯雯又突然承认怀有第4胎，而且BB快将出生。近日Steven现身受访时承认为咗照顾家人被逼孭到周身街数，试过申请过综援不过失败。

张致恒快将成为第4任爸爸。

雯雯所怀嘅第4胎好快出生。

在访问中Steven透露自己为养家，做过洗碗、酒店侍应、艺人演出中介人等，𠵱家有固定嘅工作，每周4天到小食店打工，今日有网民在天水围一间售卖重庆小食嘅小食店捕获Steven踪影，图中见戴住渔夫帽、手套及围裙嘅Steven须根满面，面容带点憔悴工作中，但面对镜头仍然敏感地望过去。

虽然近年张致恒被网民狂闹系「渣男」，但见佢愿意打工帮补生计，对他有改观。有网民留言叫Steven加油畀心机做，指他和被控刑事恐吓老婆Britni嘅周永恒(Roy)及不停问女友Jessie(生前)借钱嘅《全民造星V》退选者魏念恩(Nathan)比较，指他算系好男人。网民仲为他抱不平：「唔好搞人哋啦，大佬」、「咁佢起码肯赚钱养家」、「几好，靠自己工作赚钱家有咩问题？」、「肯做嘢算系咁」、「放过人哋啦，大家都系有故事的人」、「做埋啲垃圾工都好过喺屋企等人养」、「畀条路人行啦没必要赶尽杀绝」、「最少佢肯踏出第一步，好事嚟」、「马死落地行，我反而欣赏佢」最搞死有网民话、「支持你，少辣！」

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ