独家丨黄智雯放低得失拍《隐门》获赞视后级演技陈展鹏目标做曾志伟

更新时间：07:00 2023-06-23 HKT
发布时间：07:00 2023-06-23 HKT

TVB剧《隐门》剧情高潮迭起，唔少主线角色人设将迎来重大转变，剧中「苦命女」黄智雯（Mandy）亦有好大发挥。不过，最近却传出40岁嘅Mandy不甘多年嚟系「陪跑女主角」，于年底约满便离巢。对于多次失落视后，Mandy避谈有冇意兴阑珊，她坦言说：「做返控制到嘅事，唔好畀自己太大压力。」采访：方骞平

《隐门》对陈展鹏及黄智雯系一个突破。

陈展鹏、黄智雯好敬重前辈级演员吴岱融、程可为及卢宛茵。

《隐门》对陈展鹏、黄智雯都系突破，系陈展鹏客串演出《法言人》及《隐形战队》后重返男一位置嘅剧，剧中两人都背负住上一代吴岱融及同党徐荣嘅恶果度日，黄智雯指该剧角色比较立体，系拍戏以来，演过最沉郁嘅角色，因为长期处于诚惶诚恐中，她更入戏到一度迷失自我，每晚发噩梦。

入行16年嘅黄智雯，先后8次提名「视后」皆与奖项无缘，其中2018年凭《三个女人一个「因」》3重人格角色「方以因」成为视后大热，可惜只得大马及新加坡双料视后。今次《隐门》再被指视后级演技大爆发，问到她可有重拾信心争夺视后？Mandy却未有面回应，她只说：「每年都系重复颁奖礼及拍剧，既然奖项控制唔到，就就要调节心情，唔好记挂住佢(奖)，否则会畀自己压力，所以我会选择做好自己嘅事，如果投入唔到，拍出嚟个剧到唔会好睇。」

视每套剧都系男主角

至于陈展鹏收复失地，剧中坐正返男一位置，他风骚笑说：「我觉得套套剧都系男主角㖞，咁才会演到好个角色…其实呢个剧我同吴岱融戏份都好平均，最重要观众钟意我，不然就冇得捞。」展鹏坚持唔怕被后浪追赶：「怕就冇料到啦…哈！我目标系想成为瓣瓣掂嘅汪阿姐及曾志伟。」Mandy反而想多同新人合作，擦出新火花。