独家丨黄夏蕙闻素海霖打真军拍AV吓亲 变身火红兔女郎黄大仙庙祈福
更新时间：08:00 2023-05-30 HKT
发布时间：08:00 2023-05-30 HKT
发布时间：08:00 2023-05-30 HKT
字体大小
黄夏蕙（BB）移居美国半年，月前返港，刚跟老公潘炳烈筵开80席庆祝结婚35周年。趁日前吉日，BB更变身火红兔女郎，手持两只小金猪跟契女徐宝凤到黄大仙庙拜神，沿途劲受欢迎。对于曾跟香港首位AV女优素海霖出席活动，BB好兴奋，但当得知对方要「打真军」，向来作风前卫大胆嘅BB都吓亲，表示接受唔到：「咁咪连尊严都冇埋！」采访：方骞平 摄影：朱伟彦
BB对于老朋友NEL NEL离世深表难过，所以忍唔住怒轰肥妈借故友抽水，伤心完又嬲完，作为头炷香KOL的夏蕙姨，日前以兔女郎装扮到黄大仙庙拜神，虽然套衫好圣诞有啲怪，但沿途都好受善信欢迎，除要求「集邮」外，更叮嘱她要保重身体，祝福她身体健康。BB诚心上香祈福，希望世界和平，大家身体健康，至于带同小金猪拜神，喻意「金」苦与共，期待疫情过后人人有工做。
收过亿遗产做善事
BB表示太挂住香港，所以较老公潘炳烈月前返港。今次回归除庆祝结婚35周年，还会处理已故相好胡百全留下的亿元遗产，因为是她应得的，所以唔会有阻力。BB说：「我要钱嚟做善事先会咁紧张，我啲仔女个个都好叻，唔需要靠我啲身家，呢啲系上天畀我嘅福气，我想将啲福气送畀有需要嘅老人家。」
BB刚跟老公潘炳烈筵开80席庆祝结婚35周年。
席间仲收咗张伟文经理人方俊做契仔。
两公婆已在月前先后由美国返港。
BB移居美国期间，囡囡陪她到当地嘅黄大仙庙上香。
另外，对于素海霖牺牲色相拍AV，前卫嘅BB唔多支持：「拍三级片就可以，打真军就接受唔到，相信每个父母都唔想个女咁做，我觉得咁样好冇道德，连呢啲尊严都冇埋，就算一举成名，牺牲晒一生人色相，会前途尽毁，永远畀人带住联想，个人都唔安乐啦。」
《星岛头条》APP经已推出最新版本，请立即更新，浏览更精彩内容：http://www.stheadline.com/
最Hit
