独家丨《俏郎君》制作人神预言有港产AV女优 ERROR爆肚令姜皓文失威狂NG

更新时间：08:00 2023-04-27 HKT
发布时间：08:00 2023-04-27 HKT

ViuTV剧《极度俏郎君》撮合姜皓文（黑哥）和ERROR首度合作，监制及编审陈翘英、监制梁崇勋和导演李浩基坦认剧集为黑哥度身订造，而黑哥和ERROR以两代不同搞笑方法撞出不少火花，ERROR更成功令黑哥笑到狂NG。三位制作人更率先爆，剧集神预言有首位港产AV女优诞生。采访：杜杜

监制及编审陈翘英（中）、监制梁崇勋（左）和导演李浩基大赞黑哥和ERROR合作，擦出不少火花。

陈翘英表示最初想到做坏人易过做好人的主题，第一个想到最适合的演员就是姜皓文，「佢同我讲过离开亚视后，有10几年冇小朋友够胆同佢影相，佢个形象真系会令人怕咗佢，但佢真人其实好温文儒雅好好人，我就利用佢嘅外形，去做比较生活化嘅喜剧，算系为佢度身订造。」

黑哥和ERROR初次合作好愉快。

黑哥剧中都有不少搞笑场面，风格跟ERROR截然不同。

对住ERROR正经唔到

讲到剧集有大量新生代演员参与，三人都觉得好有惊喜，特别是最多戏份的ERROR，又认为他们跟姜皓文擦出不少火花。李浩基说：「佢哋唔系净系听前辈或导演讲点做，好有自己谂法，而且系别树一格。」有场戏讲黑哥同ERROR对住个坏了而不停摇的洗衣机，剧本冇写但四子突然跟住一齐摇，搞到经验丰富的黑哥忍不住狂笑，NG了10次，「佢哋唔系埋位先嚟爆肚，佢哋会坐埋一边度，跟住再同导演、对手讲一次，所以佢地系好OK。」镜头外ERROR亦会令气氛变得更加轻松，「ERROR未入组时，黑哥同宣萱都系认真严肃咁去做，但ERROR一埋位，镜头前后气氛都唔同晒，对住佢哋大家都正经唔到。」